( හිරාන් ප්‍රියංකර ජයසිංහ )
 
ආණමඩුව පැරණි ගම්උදා භුමියේ නිවසක වැසිකිළියක් කපන මුවාවෙන් නිදන් කැණිමේ යෙදි සිටි සිව් දෙනෙකු නිදන් කැණිම සදහා යොදා ගත් උපකරණ තොගයක් සමඟ (29 ) අලුයම අත් අඩංගුවට ගත් බව නවගත්තේගම පොලිසිය කියයි.
 
මෙසේ අත් අඩංගුවට ගෙන තිබුනේ නිදන් කැණිමේ නිරතව සිටි නිවෙස් හිමිකාරියගේ පුත්‍රයා සහ තවත් තිදෙනෙකු බව  කියයි.
 
 අත් අඩංගුවට ගනු ලැබු සැකකරුවන් අදාල නිවසේ අඩි 10 ක් පමණ ගැඹුරට අඩි තුනකට ආසන්න පලලින් යුත් වළක් හරමින් සිට ඇති බව කියයි.
 
 නවගත්තේගම පොලිසියට ලැබුන තොරතුරක් මත අදාල වැටලිම සිදුකරන අවස්ථවේ නිදන් කැණිම් කටයුතු වල අදාල සැකකරුවන් නිරත වි සිටි බවද පොලිසිය පවසයි.
 
අත් අඩංගුවට ගත් සැකකරුවන් අතර සිටින නිවෙස් හිමිකාරියගේ පුත්‍රයා වසරකට පෙර ආණමඩුව නගරයේ මදිනා නැමති හෝටලයට පෙට්‍රල් බෝම්බ ගසා ගිනි තැබිමේ සිද්දියේ ප්‍රධාන සැකකරු බවද නවගත්තේගම පොලිසිය සනාථ කරගෙන ඇති බව කියයි.
 
 නිදන් කැණිමට යොදාගත් ගැනුන ගල් විදින යන්ත්‍රයන් ,උදළු , යකඩ ඉනි , බාල්දි , තාච්චි, සමග පුජාවන් සදහා යොදා ගත් බව කියන පළතුරු ,රස කැවිලි, බුලත් , මල් , සුවද කුඩු , හදුන්කුරු ඇතුළු බෝහෝ දෑ තිබු බව කියයි.