2021 ඔක්තෝබර් මස 22 වන සිකුරාදා
(නාලක ජේ හෙට්ටිආරච්චි සහ සම්පත් ප්‍රියනන්දන)
ඉඹුල්පේ රත්තනගොල්ල රජයේ රක්ෂිතයේ අක්කර භාගයක කොටසක් අනවසරයෙන් එළිපෙහෙළි කළ පුද්ගලයෙකුට රුපියල් 25,000 ක දඩ මුදලක් ගෙවන ලෙස බලන්ගොඩ මහෙස්ත්‍රාත් ජයරුවන් දිසානායක මහතා අද (15) නියෝග කළේය.
ඉඹුල්පේ ගලගම ප්‍රදේශයේ පදිංචි එච්. එම්. සරත් කුමර නැමැත්තෙකුට එලෙස දඩ ගෙවිමට සිදු විය.
තවත් පුද්ගලයෙකු සමඟ මොහු රත්තනගොල්ල රජයේ රක්ෂිතයට අනවසරෙන් ඇතුළු වී රක්ෂිතය එළිපෙහෙළි කරමින් සිටියදී බලන්ගොඩ අඩවි වන නිලධාරීන් කණ්ඩායමක් අත්අඩංගුවට ගෙන මොහුන්ට එරෙහිව නඩු පවරනු ලැබූහ.
අනිත් පුද්ගලයා රෝගී තත්ත්වයක් හේතුවෙන් රෝහල් ගත කර ඇත. ඔහු ඉදිරි දිනයකදී අධිකරණයට ඉදිරිපත් කිරීමට කටයුතු කරන බව අඩවි වන නිලධාරී විජයන්ත උපුල් මහතා කීය.
