(නිමල කොඩිතුවක්කු)
 
ඉදිරි යල කන්නය සඳහා රටේ පොහොර අවශ්‍යතාවයෙන් 40 % පමණ තොග ගබඩා කර ඇතැයි කෘෂිකර්ම, ග‍්‍රාමීය ආර්ථික කටයුතු, පශු සම්පත් සංවර්ධන, වාරිමාර්ග සහ ධීවර හා ජලජ සම්පත් අමාත්‍ය  පී. හැරිසන් මහතා පැවසීය.

ගොවියාට  අවශ්‍ය පොහොර ආනයනය කිරීම පෙහොර ලේකම් කාර්යාලයේ වගකීමක් බවත් මේ සම්බන්ධයෙන් අවශ්‍ය ක‍්‍රියාමාර්ග කඩිනමින් ගැනීමට එම නිලධාරින් වෙත උපදෙස් ලබා දී ඇති බවත් අමාත්‍යවරයා මාධ්‍ය හමුවේ සඳහන් කළේය.

පෞද්ගලික ආනයන සමාගම් වෙනුවෙන්  පොහොර මිලදී ගන්නවා වෙනුවට රජයේ ලක් හා කොමර්ෂල් පොහොර සමාගම් මගින් ගොවියාට පොහොර නිසි වෙලාවට ලබා දීමට අවශ්‍ය කටයුතු සිදු කරන බවද අමාත්‍යවරයා පැවසීය.

රටේ අවශ්‍යතාවයෙන් මෙටිට‍්‍රක් ටොන් 3 95 000 ක් වී වගාව වෙනුවෙන් සහනදායී මුදලට මෙම සංස්ථා මගින් ගොවීන්ට අවශ්‍ය පොහොර බෙදාහරිනු ලබයි.  පොහොර ආනයනයට පෙර හා පසු එහි ගුණාත්මකභාවය පිළිබඳ පරීක්ෂා කළ යුතු බවද අමාත්‍යවරයා මෙහිදී නිලධාරීන්ට උපදෙස් ලබාදී තිබේ.