(අමදෝරු අමරජීව)

ත්‍රිකුණාමලය - නුවර ප්‍රධාන මාර්ගය අයිනේ පාලම් පටාරු පාලම අසල පිහිටි පත්තිනි අම්මාන් කෝවිලේ අද  (25)  අලුයම පිංකැටය කඩා මුදල් සොරකම් කළ තරුණයෙකු රුපියල් 16500 ක  කාසි හා නෝට්ටු සමඟ අත්අඩංගුවට ගැනිමට තඹලගමුව පොලිසියට අනියුක්ත මාර්ග බාධක පොලිස් නිලධාරිහු සමත්වුහ.

සැකකරු පාසල් ළමුන් භාවිතා කරන  බෑගයක් රැගෙන මෙම කැටය කඩා මුදල් ගනිද්දි මෙසේ පොලිස් අත්අඩංගුවට පත්වි තිබේ.

තඹලගමුව වැඩ බලන පොලිස් ස්ථානාධිපති  පොලිස් පරික්ෂක  රාහුල බණ්ඩාර කන්දේවත්ත මහතා ඇතුලු නිලධාරින් විසින්  පරික්ෂණ පවත්වා සොරකම චීන වරාය  පොලිස් වසමට අයත්  සිමාවේ ඇති බැවින්  වැඩිදුර පරික්ෂණ සදහා   සැකකරු  චිනවරය පොලිසියට භාරදෙනු ලැබිය.

සැකකරු තඹලගමුව , කෝවිල් අඩි පදිංචි 19 හැවිරිදි  තරුණයෙකු බව පොලිසිය  කියයි. චිනවරය පොලිසිය සිද්ධිය සම්බන්ධයෙන් වැඩිදුර පරික්ෂණ පවත්වා ගෙනයයි.