( නිමල් ජයරත්න)
දිඹුලාගල ආරණ්ය සේනාසනාධිපතිව වැඩවිසු අපවත් වි වදාළ දිඹුලාගල නා හිමි හෙවත් මාතර කිතලගම සිරි සීලාලංකාර නායක මා හිමිපාණන්ගේ ජිවමාන ප්රමාණයේ ප්රතිමාව මනම්පිටිය සීලපුර මංසන්ධියේදි ශ්රි ලංකා යුද හමුදාපති ලූතිනන් ජෙනරාල් ශවේන්ද්ර සිල්වා මහතාගේ ප්රධානත්වයෙන් විවෘත කෙරිණි.
උතුරු නැගෙනහිර තමන්කඩුව දෙදිසාවේ ප්රධාන සංඝනායක දිඹුලාගල ආරණ්ය සේනාසනාධිපති මිල්ලානේ සිරියාලංකාර නායක ස්වාමින් වහන්සේගේ ආශිර්වාදයෙන් දිඹුලාගල උතුරු ශාසනාරක්ෂක බල මණ්ඩලයේ ලේඛකාධිකාරි මනම්පිටිය මාගංතොට ශ්රි ධර්මරාජ විහාරාධිපති අත්තනකඩවල ජනතාලංකාර නාහිමියන්ගේ අනුශාසනා පරිදි නැගෙනහිර ආරක්ෂක සේනාංකාධිපති මේජර් ජෙනරාල් රසික නාමල් ප්රනාන්දු මහතා ඇතුලූ රණවිරුවන්ගේ සහභාගිත්වයෙන් දිඹුලාගල නාහිමි පිළිරුව විවෘත කෙරිණි.
වෙඩි වැදිමෙන් අපවත් වු දිඹුලාගල නාහිමියන් රට ජාතිය ආගම වෙනුවෙන් සුවිශාල මෙහෙවරක් කළ සංඝ පිතෘවරයාණන් නමකි.
මාදුරුඔය ජලාශය ඉදිකිරිමේ පුරෝගාමියා වු දිඹුලාගල නාහිමියන් ගොවිජනපද මෙන්ම වෙහෙරවිහාර, පාසල්, පංසල්, මංමාවත්, ඉදිකරමින් මෙරටේ වැඩිම භික්ෂු පරපුරක් ශාසනයට ඇතුළත් කර ගත් හිමිනමකි.
මෙම අවස්ථාවට පළාතේ ගරුතර මහා සංඝරත්නය සහ පොළොන්නරු දිස්ත්රික් ලේකම් පණ්ඩුක අබේසේකර ප්රාදේශිය සභා සහ පළාත් සභා පක්ෂ විපක්ෂ මැති ඇමතිවරුන් රාජ්ය අංශ ප්රධානින් මෙන්ම ත්රිවිධ හමුදාව පොලිසිය ඇතුලූ ගොවි ජනතාව විශාල පිරිසක් එක්ව සිටියහ.




2025 නොවැම්බර් මස 17
23
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
869
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
2025 ඔක්තෝබර් මස 08
2501
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
දිඹුලාගල නා හිමිගේ පිළිරුවක් මනම්පිටිය සීලපුරදී විවෘත කරේ
lalithm Wednesday, 08 January 2020 09:59 AM
1968දි මම පොඩි කලේ දිඹුලාගල ගිය වරෙක කිතලගම හාමුදුරුවෝ හමුවුණා. අපි දින දෙකක් එහෙ ඉඳල රූස්ස කැලේ මැදින් කන්දත් නැග්ග. ඒ කාලේ ආදිවාසී දරුවන් සඟරුවනේ පැවිදි කර පළාතේ දුගී මිනිසුන්ගේ දානයෙන් දුෂ්කරව ගතකල දිවිය මට යන්තම් මතකයි. විදුලිය තිබුනෙත් නැහැ. පිට පළාත්වලින් විශේෂයෙන්ම මාතර පළාතෙන් ගම් පළාතෙන් වන්දනා නඩ ආවාලු. ලඟදි දිඹුලාගල ගියාම අඳුනගන්නවත් බැරි විදියට වෙනස් වෙලා. අහස් මාලිගාව කියල හදපු තැන නොවේ අපි ඉස්සර ගිය ගුහාවල් එහෙම තිබුනේ. ඉන් එහා කන්දේ. හරිම උත්සාහවත් නිර්භීත සංඝ පීතෘවරයෙක්.