(ඩබ්ලියු. හියුබට් ප්‍රනාන්දු සහ  පුෂ්පකුමාර මල්ලවආරච්චි)

කැපුන්ගොඩ ප්‍රදේශයේදී  දෙපිරිසක් අතර ඇතිවූ ගැටුමකින් කැපුම් තුවාල ලත් වෛද්‍යවරයකු ඇතුලු තිදෙනෙකු මීගමුව දිස්ත්‍රික් මහ රෝහලට ඇතුළත් කිරීමෙන් පසු එක් අයෙකු මරණයට පත්ව ඇතැයි දුන්ගාල්පිටිය පොලිසිය කියයි.

මෙසේ මියගොස් ඇත්තේ පමුනුගම කැපුන්ගොඩ පදිංචිව සිටි නානායක්කාර ගලබඩපිටියගේ ෂෙහාන් ප්‍රමෝද්‍ය නැමැති 21 හැවිරිදි තරුණයෙකු බවට හඳුනාගෙන ඇත.

වසර හතරක පමණ කාලයක සිට මෙම දෙපිරිස අතර බෝට්ටුවක් සම්බන්ධයෙන් ආරාවුලක් පැවතී ඇත. ඊයේ රාත්‍රියේදී දෙපිරිස අතර මේ සම්බන්ධයෙන්  බහින්බස්වීමක් ඇතිවීමෙන් පසු මෙම ගැටුම හටගෙන ඇතැයි මූලික පොලිස් පරීක්ෂණවලදී අනාවරණය වී ඇත. සිද්ධියේදී තිදෙනෙකු කැපුම් තුවාල ලබා ඇති අතර ඔවුන් රෝහල්ගත කිරීමෙන් පසු එම තරුණයා මරණයට පත්ව ඇතැයි පොලිසිය සඳහන් කරයි.

තුවාලකරුවන් අතර නුවරඑළිය ප්‍ර දෙහයේ සේවය කරන බව කියන 34 හැවිරිදි වෛද්‍යවරයකුද වන බව පොලිසිය කියයි. වෛද්‍යවරයා හා මියගිය තරුණයා අරාවුල බේර්ීමට මැදිහත්ළුූවන් බවට පෙලිසියට තොරතුරැ ලැබී ඇත. අනෙක් තුවාලකරු 58 හැවිරිදි විවාහකයෙකි. තුවාලකරුවන් දෙදෙනො දැඩි සත්කාර ඒකකයේ බරපතල ත්ත්වයෙන් ප්‍රත්කාර ලබමින් පසුවන බවද පොලිසිය කියයි.

සිද්ධිය සම්බන්ධයෙන් සැකපිට එක් සැකකරුවෙකු අත්අඩංගුවට ගෙන ඇති අතර මූලික පරීක්ෂණවලදී හෙලිවූ තොරතරු අනුව තවත් සැකකරුවන් කිහිපදෙනෙකු අතුඅඩංගුවට ගැනීමට පරීක්ෂණ පැවැත්වේ.  මියගිය අයගේ මරණය  පිළිබද මහේස්ත්‍රාත් පරීක්ෂණය හා පශ්චාත් මරණ පරීක්ෂණය අද මීගමුව රෝහලේදී පැවැත්වීමට නියමිතව තිබිණි.

දුන්ගාල්පිටිය පොලිසිය පරීක්ෂණ පවත්වයි.