2022 ජනවාරි මස 27 වන බ්රහස්පතින්දා
(නාලක සංජීව දහනායක)
ජනාධිපති කාර්යාලයේ දෛනිකව පැවැත්වෙන සාකච්ඡා සහ හමුවීම් සඳහා මින් ඉදිරියට ප්ලාස්ටික් ජලබෝතල් වෙනුවට ජල වීදුරු පිළිගැන්වීමට ජනාධිපති ගෝඨාභය රාජපක්‍ෂ මහතා කාර්යමණ්ඩලයට උපදෙස් දී තිබේ.
ඒ අනුව ජනාධිපති කාර්යාලයේ දෛනිකව පරිභෝජනයට ගත් ප්ලාස්ටික් ජල බෝතල් පරිසරයට එකතුවීම සැළකිය යුතු ප්‍රමාණයකින් අඩුවනු ඇතැයි අපේක්‍ෂා කෙරේ.
ජනාධිපතිවරයාගේ මෙම තීරණය අමාත්‍යංශ හා සෙසු රාජ්‍ය ආයතනවලද ක්‍රියාත්මක කෙරෙනු ඇතැයි අපේක්‍ෂා කෙරෙන අතර ඒ අනුව පරිසර දූෂණය අවම කිරීමට හැකියාව ලැබෙනු ඇත.
ජනාධිපති ගෝඨාභය රාජපක්‍ෂ මහතා ගත් මෙම තීරණය පරිසර සංවිධාන විසින් පැසසුමට ලක්කර තිබේ.
විජිත් Wednesday, 18 December 2019 12:17 PM
හොඳ අදහසක්...!!! මම ගෝඨාගේවත් රනිල්ගේවත් " හෙන්චෙක් " නොවන බව මුලින්ම කිව යුතුයි. යමෙක් රටට වැඩදායි ,හොඳ දෙයක් කලවිට එය අවංකවම අගේ කිරීම පක්ෂ පාට භේදයකින් තොරව කලයුතුයි කියලයි මම නම් හිතන්නේ. එසේ නොකලොත් මම කුහකයෙක් කියා මගේම හදවත මට කියාවි. ප්ලාස්ටික් බෝතල් වලට හිරු එලිය වැටුන විට ඉර එළියේ තියෙන අල්ට්‍රා වයලට් කිරණ මගින් බෝතලය සැදුන සමහර සංගටක ක්‍රමයෙන් වියෝජනය වෙනවා. ඒවා එකතුවෙන්නෙත් බෝතලයේ තියෙන ජලයටමයි. ඒ වගේමයි ඉතාමත්ම කුඩා(ප්ලාස්ටික්වල තිබෙන ) මයික්‍රෝ ඩස්ට් ජලයට එකතුවෙනවා. විශේෂයෙන්ම මේ ප්ලාස්ටික් බෝතල් සැදීමේදී භාවිතා කරන බිස්ෆිනොල් A ( bisphenol A ) නම් කෘත්‍රිමකාබනික සංයෝගය ජලයට එකතුවෙනවා. මේ සංයෝගය අපේ ශරීරයේ ඇති අන්තරාසර්ග ග්‍රන්තිවලට බලපාන බවත් ඒ නිසා ශරීරයේ ඊස්ට්‍රජන් හෝමෝනයේ වෙනස් කම් සිදුවන බවත් මෑතකදී සොයාගෙන තියෙනවා. ඒ නිසා භාවිතා කිරීමේදී අපහසු වුනත් ( බර වැඩියි, බිඳෙන සුළුයි..) අපිට හැකිනම් විදුරු බෝතල් පාවිච්චි කරන්න, අපිට නිරෝගීව වැඩි කලක් ජීවත්වන්නට හැකිවේවි. ඒ වගේම අපේ පරිසරය කියන අපි සියලුදෙනාගේම" අම්මා" ආරක්ෂා වේවි.
Reply : 0 0
