(එම්.කේ. නන්දසේන)
 
යුද හමුදා බුද්ධි ඒකකයට ලැබුණු තොරතුරක් මත කාවන්තිස්සපුර පොලිස් විශේෂ කාර්ය බලකායේ නිලධාරීන් කණ්ඩායමක් අද (19) දහවල් කතරගම රෝහල පිටුපස පෙරගිරිගම ප්‍රදේශයේ සිදුකළ වැටලීමකදී නිවෙස් දෙකක තිබී ටී 56 උණ්ඩ යොදන සාදන ලද ගිනි අවියක්, ටී 56 උණ්ඩ 16 ක්, බෙහෙත් කොටන ගිනි අවියක්, හා සකස් කරමින්තිබූ බෙහෙත් කොටන ගිනි අවි දෙකක කොටස් සමඟ සැකකරුවන් දෙදෙනෙකු අත්අඩංගුවට ගෙන ඇත. 
 
සැකකරුවන් දෙදෙනා සහ  අඩංගුවට ගත් ආයුධ කතරගම පොලීසිය වෙත බාරදුන් බව කාවන්තිස්සපුර පොලිස්  විශේෂ කාර්ය බලකායේ අණදෙන නිලධාරි පොලිස් පරීක්ෂක චමින්ද පල්ලියගුරු මහතා පැවසීය. 
 
පළමුව එක් නිවසක තිබී බෙහෙත් කොටන තුවක්කුවක් සොයා ගෙන ඔහුගෙන් ප්‍රශ්න කිරීමේදී අනෙකුත් ආයුධ සොයාගත් බව කියයි.මෙම ස්ථානය කමිමලක් බවද පැවසීය.

පොලිස් විශේෂ කාර්ය කාර්ය බලකායේ අණදෙන බලකායේ අණ දෙන නිලධාරී වරුණ ජයසුන්දර, ගාල්ල, හම්බන්තොට කලාප අණදෙන නිලධාරි ජ්‍යෙෂ්ඨ පොලිස් අධිකාරි විදුරනාථ දිසානායක, හම්බන්තොට කලාපය භාර  සහකාර පොලිස් අධිකාරී උපුල් අබෙිරත්න මහත්වරුන්ගේ උපදෙස්මත කාවන්තිස්සපුර පොලිස් විශේෂ කාර්ය  බලකා කඳවුරේ අණදෙන නිලධාරි පොලිස් පරීක්ෂක චමින්ද පල්ලියගුරු මහතාගේ මෙහෙයවීම යටතේ මෙම වැටලීම සිදුකළහ.