(අංජුල මහීක වීරරත්න)

21 වැනි ශතවර්ශයේ අභියෝග වලට මුහුණදීමට 20 වන ශත වර්ශයේ අධ්‍යාපනයට හැකියාවක් නැතැයි අග‍්‍රාමාත්‍ය රනිල් වික‍්‍රමසිංහ මහතා කුරුණෑගලදී පැවැසීය.
 
ඒ සඳහා විසිඑක්වන සියවසට ඔබින නවීන අධ්‍යාපනයක් හඳුන්වා දිය යුතුව ඇතැයිද අග‍්‍රාමාත්‍යවරයා වැඩිදුරටත් කීය.
අග‍්‍රාමාත්‍ය රනිල් වික‍්‍රමසිංහ මහතා මේ බව පැවසූවේ කුරුණෑගල විශ්වෝදා ජාතික පාසල විවෘත කිරීමේ උත්සවයේ ප‍්‍රධාන ආරාධිතයා ලෙස එක්වෙමිණි.
 
අධ්‍යාපන අමාතයාංශයේ ළඟම පාසැල හොඳම පාසල  වැඩසටහන යටතේ රුපියල් මිලියන දහසක වියදමකින්  නවීන පහසුකම් සහිතව මෙම ජාතික පාසැල ඉදිකර තිබේ.
 
හය ශ්‍රේණියේ සිට ඉහළට පන්ති පැවැත්වෙන මෙම විද්‍යාලයේ  නවීන භාෂා ඇතුලූ විෂය මාළා නවීන තාක්ෂණික ක‍්‍රමවේද උපයෝගී කරගනිමින් ඉගැන්වීම  විශේෂත්වයක් වෙයි.
 
ඩිජිටල් පුවරු උපයෝගී කරගනිමින් සිසු සිසුවියනට ඉගැන්විම් කරන අයුරු අග‍්‍රාමාත්‍ය රනිල් වික‍්‍රමසිංහ මහතා ප‍්‍රමුක මැති ඇමතිවරුන්ගේ නිරික්ෂණයට ලක්වූ අවස්ථාව සහ විශ්වෝදා විදුහල ඡායාරූපවල දැක්වේ.
 
අධ්‍යාපන අමාත්‍ය අකිල විරාජ් කාරියවසම්, බුද්ධශාසන සහ වයඹ සංවර්ධන අමාත්‍ය ගාමිණී ජයවික‍්‍රම පෙරේරා, ප‍්‍රවාහන සහ සිවිල් ගුවන් සේවා රාජ්‍ය අමාත්‍ය අශෝක් අබේසිංහ, අභ්‍යන්තර කටයුතු ස්වදෙශ කටයුතු, පලාත් සභා සහ පළාත් පාළන රාජය අමාත්‍ය ජේසි. අලවතුවල, සංවර්ධන උපාය මාර්ග සහ ජාත්‍යන්තර වෙළඳ නියෝජ්‍ය අමාත්‍ය නලීන් බන්ඩාර, වයඹ පලාත් ආණ්ඩුකාර පේෂල ජයරත්න යන මහත්වරුද එම අවසතාවට සහභාගී වූහ.
 
ඡායාරූප : ශාන්ත රත්නායක