(නිමල කොඩිතුවක්කු)
විසි වැනි සංශෝධනය පිළිබඳ කතාව වෙන පැත්තකට යන බව පෙනෙන්නට ඇතැයි සමගි ජනබලවේගයේ ජාතික සංවිධායක පාර්ලිමේන්තු මන්ත්රී තිස්ස අත්තනායක මහතා කොළඹදී අද(14) පැවසීය.
නව ව්යවස්ථාවක් ගෙන ඒමට පෙර ජනතා ප්රශ්නවලට විසඳුම් සැපයීමට ආණ්ඩුව වහාම කටයුතු කළ යුතු බවද අත්තනායක මහතා සඳහන් කළේය.
කොළඹ, මාර්ක්ස් ප්රනාන්දු මාවතේ විපක්ෂනායක කාර්යාලයේ පැවති මාධ්ය හමුවකට එක්වෙමින් ඔහු පැවැසීය. එහිදී වැඩිදුරටත් අදහස් දැක්වූ පාර්ලිමේන්තු මන්ත්රී තිස්ස අත්තනායක මහතා මෙසේද කීය.
“විසි වැනි සංශෝධනය පිළිබඳ කතාව වෙන පැත්තකට යනවා කියලා දැන් අපට පේන්න තියෙනවා. රටේ ප්රශ්න විසඳුවා සේ සලකලා ව්යවස්ථා සංශෝධනයක් ගේන්න ආණ්ඩුව බොහොම කඩිමුඩියේ තීන්දුවක් ගත්තා. රටේ ප්රජාතන්ත්රවාදය වෙනුවෙන් යම් සාධනීය විසඳුමක් ඉදිරිපත් කරලා තියෙන 19 වැනි සංශෝධනය පැත්තකට දාලා 20 සම්මත කරගැනීමෙන් තමයි රටේ සියලු දේ ඉටුකරගන්න පුළුවන් කියලා මේ අය කිව්වා. සමගි ජන බලවේගය විදියට අපි මේ විසිවැනි සංශෝධනයට අපේ සම්පුර්ණ විරෝධය පළ කරලා තියෙනවා.
දහනමයෙ තිබුණු මානුෂීය සහ ප්රජාතන්ත්රවාදී ලක්ෂණ විස්සෙන් යටපත් කරලා තියෙනවා. දහනව වන සංශෝධනයේ යම් අඩුපාඩුකම් තිබුණනම් එය තවදුරටත් ශක්තිමත් කරනවා විනා ප්රජාතන්ත්රවාදය විනාශ කරන 20 සම්මත කිරීම ආණ්ඩුව නොකළ යුතුයි. අපේ විරෝධය සහ ජනතාවගේ විරෝධය නිසා ආණ්ඩුවට යම් ආකාරයක රිදීමක් ඇති වෙලා තියෙනවා. දැන් ආණ්ඩුව පාර්ශ්වයෙන්ම 20 ගැන මතවාද ගැටුමක් ඇති වෙලා තියෙනවා.
විසි වැනි සංශෝධනය පිළිබඳ කමිටුවක් පත්කරන්න අග්රාමාත්ය මහින්ද රාජපක්ෂ මහතා නියම කරල තියනවා. අගමැතිතුමාගේ කමිටුව මඟින් 20 ගැන ආණ්ඩුවේ ඇතුලේ තිබෙන අර්බුදය හොඳින් පෙන්නුම් කරනවා. 20 ගැන බරපතළ සංශෝධන ගණනක් තියෙනවා කියලා විමල් වීරවංශ මහතා පැවසුවා. ව්යවස්ථා සංශෝධන ඉදිරිපත් කිරීමෙන් ජනතාවගේ බඩ කට පිරෙන්න නැහැ කියලා විමල් වීරවංශ මහතා කිව්වා. අපිත් කියන්නේ ඒකමයි.
මේ රටේ මූලික ප්රශ්නය ව්යවස්ථා සංශෝධනයක් ඉදිරිපත් කිරීම නෙමෙයි. ආර්ථිකය කඩාගෙන වැටිලා, ණය ගෙවා ගන්න විදිහක් නැතුව ඉන්නවා, ජනතාවට රැකියා අහිමි වෙලා, ජීවන වියදම ඉහළ ගිහින් රටේ ගොඩක් ප්රශ්න තියෙනවා. මේවට තමයි කඩිනම් විසඳුම් ඕන. එහෙම නැතුව 20 ගෙනවො කියලා මේ ප්රශ්න විසදෙන්නේ නැහැ. ජනාධිපතිවරයා ශක්තිමත් කරමින් අගමැතිවරයා පියන්ගේ තත්ත්වයට මේ විසිවන සංශෝධනයෙන් පත්වෙනවා. විසිවන සංශෝධනය ගෙනාපු කෙනෙක් අද වන විට හොයාගන්න නැහැ.
මේක සකස් කළේ කවුද කියලා තමන් දන්නේ නැහැ කියලා විසිවන සංශෝධනය කැබිනට් මණ්ඩලයට ඉදිරිපත් කරපු අධිකරණ අමාත්ය අලි සබ්රි මහතා කියනවා. විමල් වීරවංශ මහත්තයා කියනවා මේකෙ පීතෘ කෙනෙක් හොයාගන්න නැහැ කියලා. විස්ස කියන්නේ හරියට නිකම් පියෙක් නැති දරුවෙක් වගේ. මෙහෙමද ආණ්ඩු ක්රම ව්යවස්ථා සංශෝධන කරන්නේ ඇයි කියලා අපි ආණ්ඩුවෙන් අහනවා'' යැයි ද කීය
කොළඹ දිස්ත්රික්කයේ ප්රදේශ රැසකට හෙට (27) පස්වරු 5.00 සිට අනිද්දා (28) පෙරවරු 7.00 දක්වා පැය 14 ක කාලයක් ජල සැපයුම අත්හිටුවන බව ජාතික ජල සම්පාදන හා ජලාපවහන මණ්ඩලය
කොළඹ විශ්ව විද්යාලයේ වෛද්ය පීඨ ශිෂ්ය සංගමය රජයට විරෝධය පළ කරමින් ලිප්ටන් වටරවූමේ සංවිධානය කරන විරෝධතා රැළිය වළක්වන තහනම් නියෝගයක් නිකුත් කරන්නැය
පාකිස්තාන 19 හැවිරිදි යුවතියකට ඉන්දීය ජාතිකයකුගේ හදවතක් සාර්ථකව බද්ධ කිරීමට චෙන්නායි වෛද්යවරුන් පිරිසක් සමත්වී තිබේ.
රජය මගින් නොමිලේ ලබා දුන් හාල් ලබා ගත් හාලිඇල ප්රදේශයේ පුද්ගලයකු ට නරක්වු ආහාරයට ගැනීමට නුසුදුසු තත්ත්වයේ ඇති හාල් බෑගයක් ලැබුණු බව පවසමින් හාලිඇල ස
ජාත්යන්තර මූල්ය අරමුදල සමග විස්තීරණ ණය පහසුකම ලබා ගැනීම සඳහා එළැඹ ඇති ගිවිසුම අනුව 2014 වර්ෂය වන විට වත්කම් අය කර ගැනීම සම්බන්ධයෙන් පරිපූර්ණ නීතියක් හ
ජංගම ගිණුම් සහ ඉතිරි කිරීමේ ගිණුම් හරහා ඔන්ලයින් ගනුදෙනු කරන අයගේ ගිණුම් වලින් මුදල් අදින ජාවාරමක් දැනට සතියක පමණ සිට ක්රියාත්මක වෙමින් තිබෙන බව පො
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
’20 වැනි සංශෝධනය ගැන කතාව වෙන පැත්තකට යනවා’
Sanka Monday, 14 September 2020 09:14 AM
සහතික ඇත්ත. මේ කෝවිඩ් අනතුරින් රට දැන් අනාථ වෙලා තියෙන්නේ. බඩුමිල අධිකයි. රැකියා ලක්ෂ ගණන් අහිමිවෙලා. ව්යාපාරිකයෝ නන්නත්තාර වෙලා. දුප්පතා කබලෙන් ලිපට වැටිලා. ඉතින් මේ හුස්ම ගන්න බැරි මිනිස්සුන්ට මොන ව්යවස්ථාද? 2/3 ලැබුණා කියලා ජනතාවගේ දැවෙන ප්රශ්නවලට පයින් ගහලා මේ කොහේද යන්නේ..?
චමින්ද Monday, 14 September 2020 11:41 AM
කවුරු ඩිස්ලයික් දැම්මත් සේනකගේ අදහස සියයට දාහකින් හරි කියලා වැස්සකටවත් පාසැලක හෙවනට ගිය අයෙක් නම් දන්නවා...
Bamunuarachchi Monday, 14 September 2020 12:20 PM
කතාව ඕනෙ පැත්තකට ගියාවේ. 20වන සංශෝධනය වෙනවා නම්.. අනික මොකද බය වෙන්නේ? මේ අවුරුදු 05 ඉවර වුණාම ආණ්ඩුව පෙරළා ගත්තොත් පුතාණෝට මේ සියලු බලතල ඇතිව ජනාධිපති වෙන්න පුළුවනිනේ. මොකද මේ බලතල හදාගන්න ඔයගොල්ලන්ට මේ කල්පේ 2/3 බලයක් ලැබෙන්නේ නැහැනේ.