දෙමටගොඩදි තරුණයකු පැහැරගෙන යාමේ සිද්ධියට එරෙහිව පාර්ලිමේන්තු මන්ත්‍රිනී හිරුණිකා ප්‍රේමචන්ද්‍ර මහත්මියට  එරෙහිව  පවරා ඇති නඩුව  මාර්තු මස  12 සහ 13 වැනි දින විභාගයට ගැනීමට කොළඹ මහාධිකරණය අද (11) තීරණය කර තිබේ.

එසේම  නඩුවේ දෙවැනි සාක්ෂිකරුගේ සිට හත් වන සාක්ෂිකරු දක්වා සාක්ෂිකරුවන් මීළඟ දින අධිකරණයේ පෙනී සිටින්නැයිද නියෝග කරමින්  මහාධිකරණ විනිසුරුවරයා  සිතාසි නිකුත් කළේය. 

2015 වසරේදී  දෙමඩගොඩදී අමිල ප්‍රියංග අමරසිංහ නැමැත්තකු  බලෙන් පැහැරගෙන යාම, අයුතු ලෙ සිර කර තබා ගැනීම අයුතු ජනරාශියක සාමාජිකයින්ව සිටීම ඇතුළු අධි චෝදනා 24 කට නිතීපතිවරයා විසින් නඩුපවරනු ලැබ තිබිණි.  

මෙම  නඩුවේ සෙසු විත්තිකරුවන් 08 දෙනා විත්තිකාර හිරුණිකා ප්‍රේමචන්ද්‍ර මහත්මියගේ ආරක්ෂක නිලධාරීන් හා ආධාරකරුවෝ වෙති.

(36698)