2025 මැයි මස 09 වන සිකුරාදා
( තිළිණි ද සිල්වා සහ රංජන් කටුගම්පොළ )
පාස්කු ඉරිදා දින කිතුණු දේවස්ථාන හා සංචාරක හෝටල්වලට එල්ල වූ ත‍්‍රස්ත ප‍්‍රහාරය සම්බන්ධයෙන් ගොනු වී ඇති මූලික අයිතිවාසිකම් පෙත්සම් 12හි වගඋත්තරකරුවන් ලෙස නම් කර සිටින හිටපු ආරක්ෂක ලේකම් හේමසිරි ප‍්‍රනාන්දු සහ හිටපු පොලිස්පති පූජිත් ජයසුන්දර වෙනුවෙන් පෙනී නොසිටින බවද නීතිපති දප්පුල ද ලිවේරා මහතා ශ්‍රේෂ්ඨාධිකරණයට අද (12) නිල වශයෙන් දැනුම් දුන්නේය.
නීතිපතිවරයා මෙසේ දැනුම් දුන්නේ හිටපු ආරක්ෂක ලේකම්වරයා සහ පොලිස්පතිවරයාට එරෙහිව ගොනු වී ඇති මූලික අයිතිවාසිකම් පෙත්සම් 12 සත් පුද්ගල ශ්‍රේෂ්ඨාධිකරණ විනිසුරු මඩුල්ලක් හමුවේ අද (12) ප‍්‍රථම වරට සළකා බැලූ අවස්ථාවේදීය.
මෙම බෝම්බ ප‍්‍රහාරය වළක්වා ගැනීමට කටයුතු නොකිරීම සම්බන්ධයෙන් හිටපු ආරක්ෂක ලේකම් හේමසිරි ප‍්‍රනාන්දු සහ පොලිස්පති පූජිත් ජයසුන්දර යන අයට එරෙහිව අපරාධ චෝදනා යටතේ විමර්ශන ආරම්භ කරන මෙන් නියෝගයක් නිකුත් කරන්නැයි බොහෝමයක් පෙත්සම් වලින් ඉල්ලා තිබෙන ප‍්‍රධාන සහනය බවත්, එම සහනය දැනටමත් ඉටු වී ඇතැයි ද නීතිපතිවරයා සත් පුද්ගල විනිසුරු මඬුල්ල හමුවේ කියා සිටියේය.
පෙත්සම් ශ්‍රේෂ්ඨාධිකරණය හමුවේ සළකා බැලූ අවස්ථාවේදී පෙනී සිටි නීතිපති දප්පුල ද ලිවේරා මහතා කියා සිටියේ මෙම පෙත්සම් සියල්ලේම වගඋත්තරකරුවන් ලෙස නම් කර සිටින හිටපු ආරක්ෂක ලේකම් හේමසිරි ප‍්‍රනාන්දු, පොලිස්පති පූජිත් ජයසුන්දර වෙනුවෙන් තමන් පෙනී නොසිටින බවයි.
මෙම පෙත්සම්වලට අදාළ ඇතැම් වගඋත්තරකරුවන්ගේ විරෝධතා තමන් වෙත ලැබුණේ පෙරේදා (11) පෙරවරුවේ බවද නීතිපති ලිවේරා මහතා වැඩිදුරටත් අධිකරණයට දැනුම් දුන්නේය.
ජනාධිපති කාර්යාලයේ සුඛෝපභෝගී වාහන සහ භාවිතයෙන් ඉවත් කර ඇති වාහන 27ක් විකිණීම සඳහා දෙවැනි අදියර යටතේ මිල ගණන් කැඳවා ඇත.
මැයි මස 12,13 සහ 14 යන දිනයන්හි දිවයින පුරා ඇති මස් පිණිස සතුන් ඝාතනය කරන ස්ථාන හා මස් මාංශ අලෙවි සැල් වසා තැබීමටත්, සුපිරි වෙළදසැල් වල මස් මාංශ අලෙවි කිරීම න
විපක්ෂයට ජාතික ජන බලවේගයේ සටන් පාඨ අරගෙන ඉදිරියට යාමට සිදුවීම රටේ ජයග්‍රහණයක් බව කොළඹ දිස්ත්‍රික් මන්ත්‍රී සුසන්ත දොඩාවත්ත මහතා:-(ජා.ජ.බ) පාර්ලිමේන්තු
ශ්‍රී ලංකා පාර්ලිමේන්තුව නියෝජනය කරන මහජන නියෝජිතයින් සහ හිටපු රාජ්‍ය නායකයින් සහ ඔවුන්ගේ වැන්දඹුවන් භුක්ති විඳින වරප්‍රසාද සුදුසු ලෙස කප්පාදු කිර
පාර්ලිමේන්තු මන්ත්‍රී විශ්‍රාම වැටුප් පනත සංශෝධනය කිරීම සඳහා මේ වන විට කෙටුම්පත් කරමින් සිටින බව මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද වි
මාදුරුඔය ජලාශයට අද (09) උදෑසන කඩාවැටුණු ගුවන් හමුදාවට අයත් බෙල් 212 හෙලිකොප්ටර් යානයේ සිටි හමුදා සෙබළුන් 6 දෙනෙකු මියගොස් ඇතැයි පොලීසිය කියයි.
2025 අප්‍රේල් මස 29
1264
1
රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර
2025 අප්‍රේල් මස 29
326
2
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප
2025 අප්‍රේල් මස 18
1346
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
හේමසිරි-පූජිත වෙනුවෙන් නීතිපති පෙනී නොසිටියි
Raveendra Friday, 12 July 2019 01:31 PM
සිංහයන් ලෙස හැසිරුණු අපි දෙන්නා..// කුක්කන් ලෙස ලෙඩවුණු අපි දෙදෙනා..// වගකීම් යුතුකම් අමතක කළ අපි දෙදෙනා..// දෙවියෝ බලාගනිත් අහිංසක අපි දෙදෙනා..///
රවින් Friday, 12 July 2019 01:54 PM
නැතිව ඉතින් මහා එකාගේ ඇඟ බේරගන්න විදියක් නැතිවෙනවනේ... අනිකුත් රාජ්‍ය සේවකයිනි, බල්ලොත් එක්ක බුදිය ගත්තොත් මැක්කොත් එක්ක නැගිටින්න වෙන විත්තිය තරයේ මතක තියාගෙන තම රාජකාරිය කරන්න. මොකද කිසිවෙක් තමාගේ උදව්වට නොපැමිණේ. "තම හිසට තම අතමය සෙවනැල්ල" කියන එක තම තමන් රාජකාරි කරන මේසය මත පැහැදිලි ලෙස පෙනෙන්න ලියා තබාගන්න...
ලුම්බිණි Saturday, 13 July 2019 12:57 AM
එතකොට නීතිපති පෙනී ඉන්නේ තමන්ට හොඳයි කියල හිතෙන අය වෙනුවෙන් පමණක්ද?
Mahee Saturday, 13 July 2019 06:03 AM
දප්පුල ද ලිවේරා නීතිපතිතුමනි, මෙතෙක් සිටි විශිෂ්ඨතම නීතිපතිවරයා ඔබතුමායි. එය දවසින් දවස ඔප්පුවෙමින් පවතී. අර කොමිෂන් සභාවට රනිල් ආපු වෙලාවේ ජයන්ත ජයසූරිය එදා හිටපු නීතිපතිවරයා ඔබතුමාට හරස් ප්‍රශ්න අහන්න ඉඩ නොදී කරපු වැඩේ නොවෙන්න.. හරි හරි දේවල් එළිවෙන්න තිබුණා. ඔබට මගේ ප්‍රණාමය!
Chanak los angelesSunday, 14 July 2019 07:22 AM
මහී .. ඔබ නොදන්නා බොහෝ දේ සිදුවෙනවා ඇත . නීතිපතිව පත්කළේ විධායකය විසින් . මැස්ස ගහන අතටයි වැල ඇදෙන්නේ කියන රීතිය ඔබට පසක් කරමි .ලාංකිකයන් කලගුණ සැලකීමේ විශාරදලා නිසා නීතිය බල්ලට දමා කළගුණ සලකනවා . මේ කර තිබෙන්නේ එයයි
Rata Perata Saturday, 13 July 2019 07:06 AM
මාර දේවල් ලංකාවේ වෙන්නේ... මහ කෙනා එක්ක සෙට් වෙලා මේ දෙන්නව හිරේ දාලා, දැන් කියනවා මම පෙනී හිටින්නේ නෑ කියලා. අපි නම් තප්පුලන්නෙත් නෑ, තණකොළ කන්නෙත් නෑ.
MaheeSunday, 14 July 2019 02:27 AM
ඔබ රට පෙරට කියාගත්තට රට පස්සට කිව්වා නම් තමයි ගැලපෙන්නේ. අවධියෙන් හිටියා නම් කලින් හිටපු නීතිපති කරපු වැරදි ගැන ඔබට අවබෝධයක් තියෙන්න ඕනෑ. පළාත් පාලන ඡන්ද විමසුම කල් දැමිය හැකිද යන්න ගැන ඔහු ශ්‍රේෂ්ඨාධිකරණයේ තීන්දුවට පවා එරෙහිව මැති සබය නොමග යැවූ හැටි මතකද? වර්තමාන නීතිපතිවරයා සමහර වැරදි ඔහුට කළහැකි අන්දමින් නිවැරදි කරන්න උත්සාහ කරන බව පාට කන්නාඩි තුළින් නොබලන ඕනෑම කෙනෙකුට පෙනිය යුතුයි. මෙයත් එවැන්නක්...
ranjith Sunday, 14 July 2019 12:47 AM
සත්‍ය වශයෙන්ම මේ ගැන වගකිව යුත්තෝ මේ වනවිට දේශපාලන කුණු කුඩේට වැටිලා ඉවරයි.
chandra Sunday, 14 July 2019 05:46 AM
නීතිපති ස්වාධීන නම් අපක්ෂපාතී නම් සෙසු අයවරුන් වෙනුවෙන්ද පෙනී සිටීම සාධාරණ නැහැ.