හිටපු සතොස සාමාන්‍යාධිකාරීට ලිහිල් සිරදඬුවමක්

(නිමන්ති රණසිංහ)

හිටපු සතොස සාමාන්‍යාධිකාරි විමල් පෙරේරා මහතාට වසරක ලිහිල් සිරදඬුවමක් නියම කිරිමට කොළඹ ප්‍රධාන මහේස්ත්‍රාත් ලංකා ජයරත්න මෙනවිය අද (20) නියම කළාය.

ආනයනය කරන ලද සුදු සහල් මෙට්‍රික් ටොන් 1000 ක් මිල දර්ශකයේ මිලට වඩා අඩුවෙන් විකුණා රුපියල් මිලියන 4 ක පාඩුවක් කළැයි අල්ලස් දුෂණ විමර්ශන කොමිසම ගොනු කළ නඩුවට අදාළව එලෙස සිරදඬුවම් නියම විය.

එසේම රුපියල් 50,000 ක දඩයක් ද නියම කළ අධිකරණය එය නොගෙවන්නේ නම් මාස 6 ක සිරදඬුවමක් ලබාදෙන ලෙස ද නියම කළේය.

මෙම චුදිතයා කොළඹ විශ්ව විද්‍යාලයේ කථිකාචාරිවරයකු මෙන්ම වරලත් ගණකාධිකාරිවරයකු ලෙසත් ශ්‍රී ලංකා රාජ්‍ය විනිසුරු මණ්ඩලයේ විනිසුරුවරයකු ලෙසත් කටයුතු කරන බව අධිකරණයේ දී කරුණු අනාවරණය වී තිබේ.

අධිකරණය මගින් නිකුත් කළ එකී නියෝගයට එරෙහිව කොළඹ මහාධිකරණය හමුවේ අභියාචනයක් ගොනු කිරිමට තීරණය කර ඇතැයි ජනාධිපති නීතිඥ ශානක රණසිංහ මහතා නඩුව අවසානයේ අධිකරණයේ කරනු ලැබූ ඉල්ලිමකට අනුව චුදිතව රුපියල් ලක්ෂ 3 ක ශරීර ඇපයක් මත මුදා හැරීමට ද මෙහිදී මහේස්ත්‍රාත්වරිය නියෝග කළාය.

අදහස් (7)

හිටපු සතොස සාමාන්‍යාධිකාරීට ලිහිල් සිරදඬුවමක්

thushara Tuesday, 20 August 2019 07:50 AM

මිනිසුන්ගේ තරා තිරම් අනුව නීති උස් පහත් වෙනවද.?

: 2 0

Perakum Tuesday, 20 August 2019 08:36 AM

වරදක් කලොත් දඬුවමක් විඳීම යුක්ති සහගතයි. ඒත් ඉතින් ඒ වරදම මහා පරිමාණයෙන් කලොත් කිසි දඬුවමක් නැතුව ජනාධිපති වෙන්න උනත් පුළුවනි මේ ලංකාවේ.

: 1 1

d.upul Tuesday, 20 August 2019 08:47 AM

ඉගෙනගෙන වැඩිද මන්දා ?

: 2 0

රංජිත් පිරිස් Tuesday, 20 August 2019 09:06 AM

කොයි ආණ්ඩුව කාලෙද ?

: 2 0

gamarala Tuesday, 20 August 2019 12:31 PM

කමක් නැ.

: 2 0

chinthaka Tuesday, 20 August 2019 01:53 PM

ඔන්න ඔතන තමයි අපේ රට දියුණු නොවන, අනවශ්‍ය වෙළඳ මාෆියාවකට යටවෙලා තියන හේතුව. මට මතකයි පහුගිය රජය කාලේ ප්‍රීමා පිටි සමාගම දිගින් දිගටම මිල ඉහල දමමින් ජනතාව අපහසුතාවයට පත් කරා. පසුව රජය මැදිහත්වී පිටි ගෙන්වූවා විතරයි ප්‍රීමා සමාගම තමන්ගේ පිටි මිල රජයේ අවම පිරිවැයටත් වඩා පහල දැමුවා. අන්තිමට රජය අර පිටි තොග විසි නොකර අඩු මිලට පාඩු ලබමින් ජනතාවට වික්කා. හැබයි ඉන් පසු රජය ඒ වගේ අනවශ්‍ය අවදානමක් නොගත්ත වගේම අර සමාගම ඉන් පසුව තමන්ගේ පිටි මිල දෙගුණයකට කිට්ටු ගානකින් ඉහල දැම්මා. එයින් අර අඩුවට දුන්නු පාඩුව කවර් කරා විතරක් නෙමෙයි ගේනවටත් වඩා අඩු මිලට පිටි විකිණීම ගැන රජයද අපහසුතාවට පත් කරා. ඒක නිසා දඩුවම් කිරීමට පෙර නීති පොත පැත්තකින් තියලා ඇත්තටම මොකක්ද උනේ කියලා කමිටුවකින් හොයලා බලන්න ඕනෑ. නැත්නම් පහුගිය කාලයේ මෙන් රජයේ නිලධාරීන් ජනතා සුභ සිද්දිය නොතකා තනිකරම නීතියේ රාමුව තුල පමණක් වඩා කරාවි.

: 0 3

dilan Tuesday, 20 August 2019 07:31 PM

සතොස සමුපකාර තොග සංස්ථාව, ඒ කියන්නේ සමූපෙනුත් මේ ආණ්ඩුව ලාභ අපේක්ෂා කරනවද? සමුපේ නිර්මාණය කරේ ලාභ/අලාභ ගැන නොසිතා දුප්පත් මිනිසුන්ගේ ආහාර ද්‍රව්‍ය අවශ්‍යතාව සපුරන්න නොවේද?

: 0 2