(නිමල කොඩිතුවක්කු)

හැකිනම් පළාත් සභා මැතිවරණය පවත්වන්නැයි රුපියල් පන්දහසකින් ජනතාව රවටා  මැතිවරණයකට  සැරසෙන ආණ්ඩුවට අභියෝග කරන බව සමගි ජනබලවේගයේ මහලේකම් පාර්ලිමේන්තු මන්ත්‍රී රංජිත් මද්දුමබණ්ඩාර මහතා කොළඹදී අද (06) පැවසීය.

පළාත් සභා මැතිවරණයේ ජයග්‍රහණයත් සමග සජිත් ප්‍රේමදාස මහතාගේ නායකත්වයෙන් සමගි ජන බලවේගය ආණ්ඩු පිහිටුවීමේ විජයග්‍රහී ගමන ආරම්භ කරන බවත් මහලේකම්වරයා සඳහන් කළේය.

දූෂණයෙන් වංචාවෙන් තොර අවංක පිරිසිදු ජනතාව ගැන කැක්කුමක් ඇති කණ්ඩායමක් සජිත් ප්‍රේමදාස මහතාගේ නායකත්වයෙන් සමගි ජන බලවේගය වටා ඒකරාශීවෙමින් සිටින බවත් කොළඹ විපක්ෂනායක කාර්යාලයේ පැවති මාධ්‍ය හමුවකට එක්වෙමින්  ඔහු මේ බව පැවසීය.

වෘත්තිය සමිති අනුබද්ධ සංවිධාන ශක්තිමත් කරමින් ඉදිරි මැතිවරණ සඳහා සමගි ජනබලවේගය සූදානමින් සිටින බවත් මහලේකම්වරයා වැඩිදුරටත් කීවේය.