IMG-LOGO

2024 ජුලි මස 16 වන අඟහරුවාදා


ස්වාධීන අධිකරණය රැකගැනීමට අපි කැපවෙනවා

(නිමල කොඩිතුවක්කු)


දේශපාලන පලිගැනීම් පිළිබඳ ජනාධිපති කොමිෂන් සභා වාර්තාවෙන් විකෘති පළිගැනීමේ චේතනාවක් සමාජයට පෙන්නුම් කරන බව සාධාරණ සමාජයක් සඳහා වන ජාතික ව්‍යාපාරයේ සභාපති කරු ජයසූරිය මහතා කොළඹදී පැවසීය.


ස්වාධීන අධිකරණය ව්‍යසනයකට ගොදුරු වීමට ඉඩනොදී එය රැකගැනීමට සාධාරණ සමාජයක් සඳහා වූ ජාතික ව්‍යාපාරය කැප වෙන බවද ජයසූරිය මහතා සඳහන් කළේය.


දේශපාලන පලිගැනීම් පිළිබඳ ජනාධිපති කොමිෂන් සභා වාර්තාව පිළිබඳ සාකච්ඡා සභාවකට කොළඹ ජානකී හෝටලයේ දී එක්වෙමින් ඔහු මේ බව පැවසීය.


එහිදී වැඩිදුරටත් අදහස් දැක්වූ සාධාරණ සමාජයක් සඳහා වන ජාතික ව්‍යාපාරයේ සභාපති හිටපු කථානායක කරූ ජයසූරිය මහතා මෙසේද කීවේය.


"ජාතික යුතුකමක් වශයෙන් මෙම සාකච්ඡා සභාව අප සංවිධානය කළේ ලෝකයේ කිසිම රටක නොවුණු ආකාරයට උත්තරීතර අධිකරණයට හානිවන ආකාරයට නිකුත් කර ඇති දේශපාලන පලිගැනීම් පිළිබඳ නිර්දේශ ඇතුළත් වාර්තාව ගැන රට දැණුවත් විය යුතු  නිසයි.
අද මෙම සම්මන්ත්‍රණයට අධිකරණ ක්ෂේත්‍රයේ වියතුන් ඇතුළු සමාජයේ ප්‍රභු පුද්ගලයින් පැමිණ සිටීම අධිකරණය රැකගැනීමට රටට ලැබෙන ශක්තියක්.


මෙම සම්මන්ත්‍රණය සංවිධානය කිරීමේදී අප යම් පුද්ගලයින් ආරක්ෂා කිරීමට හෝ ජනාධිපතිවරයා හෝ රජය අපහසුතාවයට පත්කිරීමට බලාපොරොත්තු වන්නේ නැහැ.
මෙම වාර්තාව නොනිල වශයෙන් පිට වුණාට පසුව ඒ ගැන විශාල ආන්දෝලනයක් දේශීයව හා විදේශියව ඇති වුණා. සමහරුන්ට මෙය තේරුම් ගැනීමට අපහසු වුණා.


බොහෝ දෙනෙකු එය දුටුවේ රජයේ පලිගනීමේ උත්සාහයක් ලෙසින්. මේ ගැන ලෝකයේ විද්වතුන්ගේ මතය වූයේ මෙම කොමිසම පත්කිරීම නීතිවිරෝධී මෙන්ම එම නිර්දේශ සම්පූර්ණයෙන්ම සදාචාර විරෝධී බවයි. ස්වාධීන අධිකරණ පැවැත්වෙන ප්‍රජාතන්ත්‍රවාදී රටවලට ප්‍රවිණ නීතිවේදීන් මෙය සමච්චලයට ද ලක් කළ අවස්ථා අප අසා තිබෙනවා.


පසුගිය රජය දූෂණ විරෝධී ක්‍රියාදාමය ආරම්භ කළේ එකළ ජනපති, අගමැති, ඇතුළු කැබිනට් මණ්ඩලයේ ඒකමතික තීරණයක් අනුව. ඒ සඳහා නිලධාරීන් පත් කළේ නීත්‍යානුකූලව. එමෙන්ම නඩු ගොණු කළේ එකල සිටි නීතිපතිවරයාගේ නිර්දේශ අනුව.
එසේනම්, තෝරාගත් හිටපු මැති ඇමතිකම් දැරූ සහ විපක්ෂයේ මන්ත්‍රීවරුනට හා නිලධාරීන්ට චෝදනා එල්ල කිරීමටත්, හිටපු නීතිපතිවරයාගේ උපදෙස් අනුව ක්‍රියා කිරීම වෙනුවෙන් අදාල පොලිස් හා නීති නිලධාරීන්ට නඩු පැවරීම තුළ සමාජය දකින්නේ විකෘති පළිගැනීමේ චේතනාවක්.


අපට පේන ආකාරයට සමාජයේ දැඩි විරෝධයක් මෙම කොම්සම් වාර්තාව ගැන ඇතිවෙමින් තිබෙනවා. මහා සංඝරත්නය, අනෙක් ආගමික නායකයින් මෙන්ම සමාජයේ විවිධ පුද්ගලයින් ඉදිරියේ දී මෙම වාර්තාවට එදිරිව ක්‍රියා කරනු ලබන වාර්තා අප දුටුවා.


රටට ආදරය කරන, යුක්තිය සාධාරණය රජයන ස්වාධීන අධිකරණය බලපැවැත්වෙන රටක මිහිදන් වීමට පතන සෑම කෙනෙකුගේම විරෝධය ඉදිරියේදී දකින්නට පුළුවන් වේවි.
මේ සියල්ලන්ටම වඩා දැනට අප මව්බිමට එරෙහිව විවිධ චෝදනා නැගෙමින් තිබේ. අන්තර්ජාතික ප්‍රජාවගේ ද විවිධ කරුණු වෙනුවෙන් විරෝධය ගොඩ නැගී ඇත.


බුද්ධිමත්ව ඉවසීමෙන් ක්‍රියා නොකළහොත්, රට ඉතා විශාල අගාධයකට පත්විය හැක. මෙම අභියෝග මැද තවත් අනවශ්‍ය ප්‍රශ්න ඇතිකර ගතහොත්, එයින් පීඩා විඳින්නේ දැනටමත් අසරණව සිටින අපගේ අහිංසක ජනතාව බව රජයට නොවැටහීම ගැන අප පුදුම වෙමු.


සාධාරණ සමාජයක් සඳහා වූ ජාතික ව්‍යාපාරය මෙතෙක් ජනතාව විශාල කැපවීමකින් රැකගත් ස්වාධීන අධිකරණය මහා ව්‍යසනයකට ගොදුරු වීමට ඉඩනොදී එය රැකගැනීමට ඇස් කන් නාසා වසාගෙන නොසිට රට වෙනුවෙන් කැප වෙන බව මේ අවස්ථාවේ සඳහන් කරමි.


ශ්‍රීමත් අයිසැක් නිව්ටන් කිවු පරිදි උඩ යන සෑම දෙයක්ම පහළට වැටෙන සංකල්පය මතක් කර දෙන්නේ අතීතයේ 5/6 හා 2/3 බලතල ලබාගත් පාලකයින්ද පහළට ආ බවද බලධාරීන් සිහි කිරීම ඉතා වටිනා බව සඳහන් කරමිනුයි.
මෙම අවස්ථාව සඳහා පාර්ලිමේන්තු මන්ත්‍රීවරුන් වන පාඨලී චම්පික රණවක, රාජිත සේනාරත්න, මනූෂ නානායක්කාර සහ නවීන් දිසානායක යන මහත්වරුන් ඇතුළු පිරිසක් එක්ව සිටියහ.



අදහස් (5)

ස්වාධීන අධිකරණය රැකගැනීමට අපි කැපවෙනවා

kamal Wednesday, 10 February 2021 09:02 AM

තමුන්නාන්සේලාගේ කැපවීම් දැකලා අපිව නම් දැන් කෑලිවලට කැපිලා තියෙන්නේ.. කොයි පක්ෂයේ වුණත්...

:       0       0

සමිත සේනක අලුත්ගමගේ. Wednesday, 10 February 2021 09:14 AM

සියලු දෙනා පක්ෂ භේදයෙන්, ජාති භේදයෙන්, ආගම් භේදයෙන් තොරව රටේ පොදු නීතිය රැකගත යුතුයි. එය අප සැමගේම යහපත වෙනුවෙනි. රටක නීති පද්ධතිය එක එක ආණ්ඩුවලට හා දේශපාලකයන්ගේ පෞද්ගලික ඕනෑ එපාකම් වෙනුවෙන් යෙදවිය යුතු නැහැ.

:       0       0

Senarath Wednesday, 10 February 2021 09:16 AM

අපි දැක්කනේ ඔයාගේ කැපවීම... ඒ ගැන මොනවා කතා කරනවද? ඒකට කැපවුණු කෙනෙක් නේ... ළඟදී හිරේට නියම වුණේත්... එයා කළේත් ඔයාලගේ ලොක්කාගේ වුවමනාවන්නේ...

:       0       0

Bamunuarachchi Wednesday, 10 February 2021 01:14 PM

අධිකරණය ස්වාධීන නිසා නේද ඔබලා දාපු නඩුවලින් නිදොස් කොට නිදහස් වුනේ...?

:       0       0

Gamini Wednesday, 10 February 2021 05:41 PM

ඔව්, ඔව්... එතකොට ආයෙත් ජොනී වගේ අයට කෝල් කරලා සුහද බව ආරක්ෂා කරන්න පුලුවන්...

:       0       0

ඔබේ අදහස් එවන්න

එසැණ පුවත්

ෆොන්සේකාගෙන් සජබට රතු එළියක්
2024 ජුලි මස 15 370 0

පක්ෂය තමාට සලකන්නේ මේ විදියට නම් ඉදිරි ජනාධිපතිවරණයේදී සජිත් ප්‍රේමදාස මහතාට වැඩ කිරීමට සූදානම් නැතැයි සමගි ජන බලවේගයේ සභාපති පාර්ලිමේන්තු මන්ත්‍


මුද්‍රිත විදුලි බිල්පත අනිවාර්යයි
2024 ජුලි මස 15 489 0

පාරිභෝගිකයන් ඉල්ලා සිටින විට මුද්‍රිත විදුලි බිල්පතක් නිකුත් කිරීම අනිවාර්ය බව ශ්‍රී ලංකා මහජන උපයෝගීතා කොමිෂන් සභාව ප්‍රකාශ කරයි.


හිරුණිකාට ඇප දෙනවාද? නැද්ද? : තීන්දුව 22
2024 ජුලි මස 15 371 0

තරුණයකු කළු පැහැති ඩිෆෙන්ඩර් රථයකින් පැහැර ගෙන ගොස් අයුතු ලෙස සිරකර තබා පහර දීම ඇතුළු චෝදනා 18 කට වරදකරු වී වසර 03 සිර දඬුවම් නියම වූ හිටපු පාර්ලිමේන්තු ම


කොස්තාපල්ලා හැප්පූ බස් රියදුරා අත්අඩංගුවට
2024 ජුලි මස 15 721 0

මීගොඩ පොලිස් ස්ථානයට අනුයුක්තව රථ වාහන රාජකාරියේ යෙදී සිටි පොලිස් නිළධාරීන් දෙදෙනෙකු යතුරු පැදියක ගමන් කරමින් සිටියදී දික්හැතැප්ම ප්‍රදේශයේ දී අනත


ගාල්ල බන්ධානාගරයේ කටයුතු සීමා කරයි
2024 ජුලි මස 15 230 0

ගාල්ල බන්ධනාගාරයේදී පසුගියදා මියගිය රැඳවියා මොලේ උණ රෝගය හේතුවෙන් මියගොස් ඇතැයි පශ්චාත් මරණ පරීක්‍ෂණයෙන් තහවුරු වීම නිසා එම බන්ධනාගාරයේ කටයුතු සති


කොල්ලුපිටියේ අනතුරක්: මනාල යුවළට තුවාල
2024 ජුලි මස 15 2120 0

මනාල යුවළක් පෙරටු කොට ගත් රථ පෙළක මංගල රථය සහ තවත් මෝටර් රථයක් කොල්ලුපිටිය ගාලු පාරේ පාසල පටුමග ප්‍රදේශයේදී අද (15) අලුයම එකිනෙක ගැටී මාර්ගයේ ගමන් ගත් තව


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 95 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 932 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1818 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site