(ඉන්දිකා රාමනායක සහ තිළිණි ද සිල්වා)
අගුණකොලපැලැස්ස බන්ධානාගාරයේ දී සෙල්ෆි ඡායාරූපයකට පෙනී සිටීම සිද්ධිය සම්බන්ධයෙන් වරද බාර ගත් හිටපු පාර්ලිමේන්තු මන්ති්ර රංජන් රාමනායක මහතාට අද (11) සිට සති දෙකක කාලයක් අමුත්තන් බැලීම තහනම් කර ඇති බව බන්ධනාගාර මාධ්ය ප්රකාශක සහ පාලන හා පුනරුත්ථාපන කොමසාරිස් චන්දන ඒකනායක මහතා කීය.
රංජන් රාමනායක මහතා එකී වරද සම්බන්ධයෙන් චෝදනා ප්රත්රයක් සම්බන්ධයෙන් අද දිනයේ බන්ධනාගාර විනය ශාලාවට ඉදිරිපත් කර ඇති අතර එහිදී රාමනායක මහතා එකී වරද බාරගත් බව චන්දන ඒකනායක මහතා කියා සිටියේය.
එකී වරද බාර ගැනීම නිසා බන්ධනාගාර ආඥාපනයේ 70 වගන්තිය අනුව බන්ධනාගාර අධිකාරිවරයා ඔහුට අමුත්තන් බැලීම සති දෙකකට කාලයකට තහනම් කර ඇති බවද චන්දන ඒකනායක මහතා කීය.
රන්ජන් රාමනායක මන්ත්රීවරයාට අමුත්තන් බැලීම සති 02කට තහනම් කර ඇති බව බන්ධනාගාර මාධ්ය ප්රකාශකවරයා පවසයි.
අමුත්තෙකු සමග සෙල්ෆි ඡායාරූපයක් ගැනීමට දඬුවම් වශයෙන් තහනම් කළ බව ද මාධ්ය ප්රකාශකවරයි සඳහන් කළේය.
වැඩි විස්තර පසුව
COMMENTS
කවදා ඉඳලද බන්ධනාගාර කොමසාරිස් දඬුවම් දෙන්න පටන් ගත්තේ...? 20න් ආපු බලතලයක්ද?
හිරගෙදර හොඳින් විනය පවත්වා ගනියි.
වරප්රසාද වලට මුවාවී දියවන්නාව පට්ටියේ 225 නටන නාඩගම් දෙස බැලීමේදී මොනතරම් අසීලාචාර තිරිසනුන්ද යන්න තේරුම් ගැනුමට බාලාංස පන්තියේ දරුවෙකුට වුවද ඉතා පහසුයි.
දඬුවම බරපතල වෙයිද මන්දා...? අපි පොඩි කාලේ වැරැද්දක් කළාම ගුරුවරු අපිව දණගස්වලා තිබ්බා. දැන් කාලේ ලොකු අය වැරැදි කළාම දෙන්නෙත් ඒ වගේ දඬුවම්.
රංජන් හිරේ ගියේ මොකටද? හොරකම් කරලාද? චේන් කඩලාද? ජනතාවගේ බදුමුදල්වලට වංචා කරලාද? අරක්කු, කුඩු විකුණලාද? ඉක්මණටම පොහොසත් වෙලාද? ලොකු මාලිගාවල් හදලාද?
එතකොට තනියම සෙල්ෆි ගැහුවාට කමක් නැද්ද? දුමින්දට එක නීතියක්, අනික් අයට තව නීතියක්...
තැලෙන යකඩයක් හම්බ වුණාම කම්මල් කාරයින් සේරම උඩ පැනපැන තලනවා කිව්වලු. මේ වගේ මරි මෝල් වැඩවලින් වෙන්නේ තැලෙන කෙනාගේ ජනප්රියත්වය තවතවත් වැඩිවෙන එකයි...
චොකා වගේ කෙනෙක්ට නම් සුළු දඬුවමක්...
රංජනුත් ඔය හොරු ගැන කියන්නේ නැතිව, බදු සල්ලි ටිකත් හොරකම් කරගෙන බෙන්ස් එකට ගියා නම් ඔය කිසි කරදරයක් නෑ. අපේ රට බොහෝමයක් අජූත ජනතාවට ඕනෑ ඒ වගේ අය තමයි.
මොන සති දෙකක්ද? ජීවිත කාලයම තියාගෙන අමුත්තන් බලන්න බෑ කියන්නකෝ අපිට මොකද කියලා බලන්න. අපි බලාගෙන ඉන්නේ අවුරුදු 4 අවුරුදු 40 වෙනකම් මෙයා ගල් කඩන, පොල්ලෙලි ගහන පොටෝ බලන්න.
මේවා නිසා තමයි මානව හිමිකම් අයත් උඩ පැන පැන අපිටම තලන්නේ. අඩුගානේ මේ හොරකම් කළා නම් විතරක් දන්න අය ඒකවත් තේරුම් ගන්න ඕනෑ. මහලොකුවට දේශපාලන පළිගැනීම් කියකියා තමන්ගේ අයට යුතුකම් ඉෂ්ඨ කරනවා. මේ අගේට කටේ නරිවාදම් බේරෙන්නේ. මේක දේශපාලන පළිගැනීමක් කියලා මොලේ තියන ඕනෑම කෙනෙකුට තේරෙනවා.