IMG-LOGO

2023 මැයි මස 31 වන බදාදා


සරසවි අහිමි සිසුන් කොතලාවලට යවන්න

(ඩිල්ශානි චතුරිකා දාබරේ)

ඉසෙඩ් අගය මත විශ්වවිද්‍යාල ප්‍රවේශය ලබා ගැනීමට නොහැකි වූ, විශිෂ්ටම සාමාර්ථ ලබාගත් සිසුන් කොතලාවල ආරක්ෂක විශ්වවිද්‍යාලයට බදවා ගැනීමේ හැකියාව පිළිබදව අමාත්‍ය මණ්ඩල සංදේශයක් ඉදිරිපත් කරන්නැයි අග්‍රාමාත්‍ය මහින්ද රාජපක්ෂ මහතා අධ්‍යාපන අමාත්‍ය මහාචාර්ය ජී.එල් පීරිස් මහතාට අද (02) උපදෙස් දුන්නේය.

විශ්වවිද්‍යාලවලට අවශ්‍ය යටිතල පහසුකම් සපයා ගැනීම සම්බන්ධයෙන් අරලියගහමන්දිරයේ දී, විශ්වවිද්‍යාල ප්‍රතිපාදන කොමිෂන් සභාව සහ සියලුම විශ්වවිද්‍යාල උපකුලපතිවරුන් සමඟ අද පැවති සාකච්ඡාවට එක්වෙමින් අග්‍රාමාත්‍යවරයා මේ බව
සඳහන් කළේය.

සරසවි ප්‍රවේශය අහිමි වූ සිසුන් වෙනුවෙන් වැඩපිළිවෙළක් ක්‍රියත්මක කළ යුතු බවට අධ්‍යාපන අමාත්‍යවරයා එහිදී පැවසූ කරුණකට අදාලව, කොතලාවල ආරක්ෂක විශ්ව විද්‍යාලයේ උපකුලපති මේජර් ජනරාල් මිලින්ද පීරිස් මහතා පැවසූයෙ, රජය ප්‍රතිපාදන ලබාදෙන්නේ නම් ඔවුන් බදවාගැනීමට තම විශ්වවිද්‍යාලයට හැකි බවයි. ඊට ප්‍රතිචාර දක්වමින් අග්‍රාමාත්‍යවරයා අමාත්‍ය මණඩල සංදේශයක් ඉදිරිපත් කිරීමට අමාත්‍යවරයාට උපදෙස් දුන්නේය.

සෞභාග්‍යයේ දැක්ම ප්‍රතිපත්තියට අනුව යමින් මෙවර වැඩිපුර බඳවාගත් සරසවි සිසුන් 10588 දෙනෙකුට සාපේක්ෂව විශ්වවිද්‍යාලවල පහසුකම් වැඩිදියුණු කිරීම සඳහා අවශ්‍ය අමතර ප්‍රතිපාදන ලබාදෙන්නැයි ද එහිදී අග්‍රාමාත්‍යවරයා උපදෙස් දුන්නේය.

එසේම, වසරේ දී විශ්වවිද්‍යාල සඳහා දරුවන් 41000 ක් බඳවාගෙන ඇතැයි පෙන්වා දුන්විශ්වවිද්‍යාල ප්‍රතිපාදන කොමිෂන් සභාවේ සභාපති ජ්‍යෙෂ්ඨ මහාචාර්ය සම්පත් අමරතුංග මහතා, 10588 ක් තරම් සිසුන් සංඛ්‍යාවක් මෙවර විශ්වවිද්‍යාල සඳහා වැඩිපුර බඳවා ගෙන ඇත්තේ නිදහසෙන් පසු පළමු වතාවට බව අනාවරණය කළේය.

බිලියන 5ක පමණ අමතර මුදලක් විශ්වවිද්‍යාල පද්ධතියේ භෞතික හා මානව සම්පත් කළමනාකරණයට අවශ්‍ය වී ඇතැයි ද ඒ මහතා පෙන්වා දුන්නේය.

විශ්වවිද්‍යාල දරුවන්ගේ අධ්‍යාපනය වෙනුවෙන් දැනට ලබාදෙන මුදල් ප්‍රතිපාදනවලට අමතරව මෙම අතිරේක මුදල් පියවරෙන් පියවර අදියර කිහිපයකින් විශ්වවිද්‍යාල පද්ධතියට මුදාහරින්නැයි උපදෙස් දුන් අග්‍රාමාත්‍ය මහින්ද රාජපක්ෂ මහතා, ඒ සම්බන්ධ ක්‍රමවේදය මහා භාණ්ඩාගාරය සහ විශ්ව විද්‍යාල ප්‍රතිපාදන කොමිෂන්සභාව එක්ව සාකච්ඡා මාර්ගයෙන් තීන්දු කරගන්නැයි දන්වා සිටියේය.

 

මෙම අවස්ථාවට අධ්‍යාපන අමාත්‍ය මහාචාර්ය ජී එල් පීරීස්, අග්‍රාමාත්‍ය ලේකම්ගාමිණී සෙනරත්, අධ්‍යාපන අමාත්‍යංශ ලේකම් මහාචාර්ය කේ. කපිල සී. කේ පෙරේරා, විශ්ව විද්‍යාල ප්‍රතිපාදන කොමිෂන් සභාවේ සභාපති ජ්‍යෙෂ්ඨ මහාචාර්ය සම්පත් අමරතුංග, ජාතික අයවැය දෙපාර්තමේන්තුවේ අධ්‍යක්ෂ ජනරාල් එස් ඩී ජුඩ්නිලුක්ෂාන්, අග්‍රාමාත්‍ය අතිරේක ලේකම් චමින්ද කුලරත්න, විශ්ව විද්‍යාල ප්‍රතිපාදන කොමිෂන් සභාවේ ලේකම් මහාචාර්ය ප්‍රියන්ත ප්‍රේමකුමාර මහත්වරු සහ සියලුම විශ්ව විද්‍යාලවල උපකුලපතිවරු මෙම හමුවට එක්ව සිටියහ.



(ඡායාරූප - අග්‍රාමාත්‍ය කාර්යාලය)



අදහස් (5)

සරසවි අහිමි සිසුන් කොතලාවලට යවන්න

Raveendra Wednesday, 03 March 2021 01:52 AM

මැදමූලන වලව්වට යවන්න බැරිද දන්නේ නෑ.. මෙවන් නූගත් පාලකයින්ගෙන් කොහොමත් අපිට මීට වැඩිය බුද්ධිමත් තීරණ බලාපොරොත්තු වෙන්න බෑ.

:       5       13

ලුම්බිණි Wednesday, 03 March 2021 03:57 AM

ඉසෙඩ් අගය මත විශ්වවිද්‍යාල ප්‍රවේශය ලබා ගැනීමට නොහැකි වූ, විශිෂ්ඨම සාමාර්ථ ලබාගත් සිසුන් කොතලාවල ආරක්ෂක විශ්ව විද්‍යාලයට බඳවා ගන්නවා නම් ඉසෙඩ් අගය අයින් කරන එක ලෙහෙසි නැද්ද?

:       2       15

MO77 Wednesday, 03 March 2021 02:23 PM

අපිට බුද්ධි මට්ටම හිතාගන්න පුළුවන්... අධ්‍යාපන ඇමැතිතුමාගේ...!

:       0       3

sharm warn Thursday, 04 March 2021 03:45 AM

ඔයාගේ නංගිගේ පුතාව දාගන්න හදපු සයිටම් එක ආපහු අරින්නකෝ. ඔයාගේ නංගිගේ පුතා ඇරුණාම තව ගොඩක් ළමයි එතන උන්න විශිෂ්ඨ සාමාර්ථ ලබලා උඩ බලන් ඉන්න වෙච්චි...

:       0       1

sampath Sunday, 07 March 2021 05:29 PM

ජාතික සරසවි පද්ධතියේ ගුණාත්මකභාවය සහ ජීව ගුණය ඔය බෝඩ් කෑලි ගහගත්තු හැම තැනම නැහැ.

:       0       0

ඔබේ අදහස් එවන්න

දියත

තැනින් තැනට අද තද වැසි
2023 මැයි මස 31 21 0

දිවයින පුරා තැනින් තැන සවස් කාලයේදී හෝ රාත්‍රී කාලයේ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව කියයි.


අගමැති තායිලන්තයට
2023 මැයි මස 31 36 0

නිල සංචාරයක් අග්‍රාමාත්‍ය දිනේෂ් ගුණවර්ධන මහතා අලුයම කටුනායක ගුවන් තොටුපළෙන් තායිලන්තය බලා පිටත්ව ගිය බව එහි කාර්යය භාර නිලධාරීවරයා පැවසීය .


ආණ්ඩුවට තනි රකින්න සූදානම් නෑ
2023 මැයි මස 30 542 0

ජනාධිපතිවරයා පත් කිරීමට කැපවීම් කළ ශ්‍රී ලංකා පොදුජන පෙරමුණේ අදහස් හා යෝජනා නොසලකා කටයුතු කළහොත් ආණ්ඩුවට ඉදිරියට යා නොහැකි බවත් දිගින් දිගටම කෙනෙහි


ඡංගම විදුලි වැටක් සකසයි
2023 මැයි මස 30 341 0

අනුරාධපුර දිස්ත්‍රික්කයේ වල් අලි බහුල ප්‍රදේශයක් වන හබරණ බෙල්ලන්කඩවල කුඹුරු යායක් ආවරණය වන පරිදි ජංගම විදුලි වැටක් ඉදිකර ඇත.


උයන පිහන හැම දෙයක්ම ගිනි ගණන්
2023 මැයි මස 30 363 0

උඩරට සහ පහතරට එලවළුවල කිලෝවකම මිල රු 400 – 750 අතර මිලකට අලෙවි කිරිම නිසා එලවළු වෙළෙදාම සිඝ්‍රයෙන් පහළ බැස ඇති බව හැටන් ප්‍රදේශයේ එලවළු වෙළෙන්දෝ කියති.


පුරාවස්තු වැනසෙන ක්‍රමයක් පෙන්නයි
2023 මැයි මස 30 233 0

පුරාවිද්‍යා, පරිසර,හා වනජීවී යන අමාත්‍යංශ තුනකට පැවරී තිබෙන එකම භූමිය වන ඓතිහාසික පොළොන්නරුව පූජා භූමියේ අක්කර සිය ගණනක කොළ රොඩු ඉවත් කිරීමට ගෙන ඇති අ


මේවාටත් කැමතිවනු ඇති

ශ්‍රී ලංකා ඉන්ෂුවරන්ස් 2022 වසර සඳහා රු. බිලියන 12.47 ක දැවැන්ත බදු පෙර ලාභයක් වාර්තා කරයි 2023 මැයි මස 29 76 0
ශ්‍රී ලංකා ඉන්ෂුවරන්ස් 2022 වසර සඳහා රු. බිලියන 12.47 ක දැවැන්ත බදු පෙර ලාභයක් වාර්තා කරයි

මැයි 23, 2023 - කොළඹ දී. දේශයේ රක්ෂකයා ශ්‍රී ලංකා ඉන්ෂුවරන්ස් 2022 වසර සඳහා රු. බිලියන 12.47 ක බදුපෙර ලාභයක් සහ රු. බිලියන 41.2 ක ඒකාබද්ධ රක්ෂණ වාරික අදායම් අගයක් වාර්තා

ආබාධිත පුද්ගලයින් සමාජගත කිරීම සඳහා අපි වඩාත් ක්‍රියාකාරී විය යුතුයි 2023 මැයි මස 26 794 0
ආබාධිත පුද්ගලයින් සමාජගත කිරීම සඳහා අපි වඩාත් ක්‍රියාකාරී විය යුතුයි

ආබාධිත තත්ත්වයන් හේතුවෙන් වෙනස්ව සැළකීම හා සබැඳි කථිකාවන් වෙනස් කිරීම තුළින් ඒ පිළිබඳව ඇති අපකීර්තිය වෙනස් කිරීම පිණිස Linea Aqua සමාගම හා එක්ව, ආබාධිත පුද්

ශ්‍රී ලාංකික සිසුන්ට 1+2 සුදුසුකම් සමග ජීව වෛද්ය විද්‍යා උපාධිය (ව්‍යාධිවේදය පිළිබඳ විශේෂ) දක්වා අධ්‍යාපනය හැදෑරීමට පහසුකම් සැලසීම සඳහා Amrak වෛද්ය විද්‍ය 2023 මැයි මස 23 494 0
ශ්‍රී ලාංකික සිසුන්ට 1+2 සුදුසුකම් සමග ජීව වෛද්ය විද්‍යා උපාධිය (ව්‍යාධිවේදය පිළිබඳ විශේෂ) දක්වා අධ්‍යාපනය හැදෑරීමට පහසුකම් සැලසීම සඳහා Amrak වෛද්ය විද්‍ය

කොළඹ ඩර්ඩන්ස් රෝහලේ අධ්‍යාපනික අංශය වන Amrak වෛද්‍ය විද්‍යා අධ්‍යාපන ආයතනය, පසුගියදා ඕස්ට්‍රේලියාවේ ප්‍රමුඛතම විශ්ව විද්‍යාලයක් වන සිඩ්නි තාක්ෂණ

Our Group Site