(බිමල් ෂ්‍යාමන් ජයසිංහ සහ ඉන්දිකා රාමනායක)

කොළඹ අපරාධ කොට්ඨාශයට අද (29) පැමිණි සරත් ෆොන්සේකා මහතා පැයක පමණ කාලයක් ප්‍රකාශයක් ලබාදීමෙන් පසුව පිටව ගොස් තිබේ.

මෙරට කොරෝනා වයිරසය තත්වය පිළිබඳ ෆේස්බුක්  හරහා තොරතුරු ලැබී ඇති සදහන් කරමින් මාධ්‍යයට  ප්‍රකාශයක් ලබා දීමේ සිද්ධියක් සම්බන්ධයෙන්  ලද පැමිණිල්ලකට අනුව හිටපු අමාත්‍ය ෆිල්ඩ් මාෂල් සරත් ෆොන්සේකා මහතා අද (29) පෙරවරු 10.40ට පමණ කොළඹ අපරාධ කොට්ඨාසය වෙත පැමිණි බව උසස් නිලධාරීයෙක් පැවසීය.

ඉකුත් මාර්තු 18 වෙනි දින කොළඹ දී මාධ්‍ය හමුවක් පවත්වා  කොරෝනා වයිරසය සම්බන්ධයෙන් ප්‍රකාශක් කර ජනතාව තුළ අනිසි බියක් ඇති වන   ආකාරයෙන් කටයුතු කර ඇතැයි සඳහන් කරමින් පොලිස් මාධ්‍ය ප්‍රකාශක ජාලිය සේනාරත්න මහතා කරන ලද පැමිණිල්ලකට අනුව සරත් ෆොන්සේකා මහතාගෙන් ප්‍රකාශ ලබා ගත්තේය.

(ඡායාරූප - ගයාන් අමරසේකර)