වේදනා නාශක බෙහෙත් කරල් 19 ක  අඩංගු  ඖෂධ ඉවත් කර හෙරොයින් මත් කුඩු පුරවා යළි සකස් කර බන්ධනාගාර රැදවියන්ට අලෙවි කිරීමට රැගෙන ආ වැලිකඩ බන්ධනාගාර රෝහලට අනියුක්තව සේවය කරනු ලබන ඖෂධ සංයෝජකයෙකු  බන්ධනාගාර නිලධාරීන්  අද (24)  දහවල්   අත්අඩංගුවට ගෙන තිබේ.
 
බෙහෙත් ද්‍රව්‍ය  තුළ මත්කුඩු  සඟවා ගෙන වැලිකඩ බන්ධනාගාර රෝහලට ගෙන යන බවට ලද තොරතුරකට අනුව ඇති වු සැකය මත සිදු කළ පරීක්ෂාවකදී  ඔහු අත්අඩංගුවට ගත් බව  බන්ධනාගාර නිලධාරියෙක් සඳහන් කළේය.
 
ඖෂධ සංයෝජකවරයා රාජකාරී සඳහා වාර්තා කර නැවතත් බන්ධනාගාර පරිශ‍්‍රයෙන් පිටතට ගොස් තිබේ.
  
එසේ ගොස් ආපසු එන අවස්ථාවේදී ඇති වු සැකය මත ඖෂධ සංයෝජකවරයා පරීක්ෂාවට ලක් කිරීමේදී හෙරොයින් මත් කුඩු පුරවා යළි සකස් කරන ලද වේදනා නාශක බෙහෙත් පෙති සොයා ගෙන තිබේ.


මේ ආකාරයට මොහු දීර්ඝ කාලයට සිට ජාවාරමක් ලෙස වැලිකඩ බන්ධනාගාරය තුළට ඖෂධ තුළ සඟවා රැගෙනවිත් රැදවියන්ට මත්කුඩු බෙදාහරින්නට ඇති බවත් ඒ පිළිබදව වැඩිදුර පරීක්ෂණ සිදු කරන බවත් හෙතෙම සඳහන් කළේය. 
 
 වැඩිදුර විමර්ශන සදහා සැකකරු බොරැල්ල පොලීසියට බාර දී තිබේ.

 

(36698)