(තිළිණි ද සිල්වා සහ රංජන් කටුගම්පොල)

සයින්දමරුදු ප්‍රදේශය ප්‍රාදේශීය සභාවක් ලෙස ප්‍රකාශ කරන නියෝගයක් නිකුත් කරන්නැයි ඉල්ලා මුස්ලිම් ජාතිකයන් දෙදෙනෙකු 2017 වසරේ ගොනු කර තිබූ මුලික අයිතිවාසිකම් පෙත්සමේ විභාගය අද (18) ශ්‍රේෂ්ඨාධිකරණයේදී අවසන් විණි.

මෙම පෙත්සම් අද ශ්‍රේෂ්ඨාධිකරණය හමුවේ කැඳවූ අතර එහිදී නීතිපති වෙනුවෙන් පෙනි සිටි  නියෝජ්‍ය සොලිස්ටර් ජනරාල් රජිව ගුණතිලක මහතා අදාල ප්‍රදේශය දැනටමත් නගර සභාවක් ලෙස ගැසට් මගින් ප්‍රකාශයට පත් කර ඇති බව අධිකරණයට දැනුම් දීමෙන් පසුව පෙත්සම් විභාගය මෙසේ අවසන් විණි.

නියෝජ්‍ය සොලිසිටර් ජනරාල්වරයා ඉදිරිපත් කළ කරුණු කෙරෙහි සෑහීමකට පත්වූ පෙත්සම්කරුවන් පෙත්සම තවදුරටත් පවත්වාගෙන යාමට අවශ්‍ය නොවන බව අධිකරණයට දැනුම් දුන්නේය.

ප්‍රියන්ත ජයවර්ධන , එල්.ටී.බී.දෙහිදෙණිය සහ ප්‍රීති පද්මන් සූරසේන යන මහත්වරුන් ගෙන් යුතු ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ලක් හමුවේ මෙම පෙත්සම කැඳවිණි.

ඒලියස් ෆලීල් සහ මොහමඩ් කලීල් යන දෙදෙනා ගොනු කර ඇති මෙම පෙත්සමෙහි වගඋත්තරකරුවන් ලෙස පළාත් පලන ඇමැතිවරයා ඇතුළු පිරිසක් නම් කරනු ලැබ තිබිණි.

පෙත්සමේ මෙසේද සඳහන් විණි.

සයින්දමරුදු ප්‍රදේශය ප්‍රදේශීය සභාවක් ලෙස නම් කිරීමට සියලු සුදුසුකම් සපුරා ඇත. මේ පිළිබඳව බලධාරින්ගෙන් කිහිප අවස්ථාවකදීම ඉල්ලා සිටියත් කිසිදු ප්‍රතිචාරයක් ලැබී නැත.

එබැවින් අදාල  ප්‍රදේශීය ප්‍රාදේශීය සභාවක් ලෙස ප්‍රකාශ කරන ලෙස සිය පෙත්සමෙන් ඉල්ලා සිටී.

පෙත්සම්කරුවන් වෙනුවෙන් ජනාධිපති නිතිඥ මනෝහාර ද සිල්වා මහතා පෙනි සිටියේය. නිතිපති වෙනුවෙන් නියොජ්‍ය සොලිස්ටර් ජනරාල් රජිව ගුණතිලක මහතා  පෙනි සිටියේය.