2023 මාර්තු මස 20 වන සඳුදා
(පාලිත ආරියවංශ)
හෙරොයින් පැකට් 100 ක් සමග හාලිඇල පොලිසිය විසින් බදුල්ල නගර පුවරුව අසළ දී අත්අඩංගුවට ගත් 'සීනිකූරා' නමැති සැකකරු දින 7 ක් බදුල්ල පොලිසියේ රඳවාගෙන ප්‍රශ්න කිරීමට බදුල්ල මහේස්ත්‍රාත් චමින්ද කරුණාදාස මහතා අද (14) නියම කළේය.
බදුල්ල කටුපැලැල්ලේ ගම පදිංචි මෙම සැකකරු කොළඹ වැල්ලම්පිටියේ සිට ග්‍රෑම් 5 ක් බරැති මෙම හෙරොයින් පැකට් කකුලකට තබා බැඳ බස්රථයකින් බදුල්ලට එමින් සිටියදී පොලිසියට කොටුවිය
හාලිඇල පොලිසි විසින් අද (14) සැකකරු බදුල්ල මහේස්ත්‍රාත් අධිකරණයට ඉදිරිපත් කරමින් රඳවාගෙන ප්‍රශ්න කිරීමේ නියෝගයක් අයැද සිටියේය.
ඔහු නිවෙස් බිඳුම් සොරකම් ඇතුලු අපරාධ රැසක් සම්බන්ධයෙන් පොලිසිය සොයමින් සිටි සැකකරුවෙකු බව පොලිසිය අධිකරණයට සැළ කර සිටියේය.
