(නිමන්ති රණසිංහ)

වී අලෙවි මණ්ලයෙන් මිලදී ගන්නා ලද වී මෙට්‍රක් ටොන් පනස් දහසක් සහල් බවට සකස් කර විකිණීමේදී සතොස විසින් වංචා සහගත ලෙස ව්‍යාපාරිකයින්ට එම වී ලබාදී නැවත වාසි මිලකට මිලදී ගැනීමේ සිද්ධියක් සම්බන්ධයෙන් විමර්ශනයක් ආරම්භ කර ඇතැයි පොලිස් මූල්‍ය අපරාධ විමර්ශන කොට්ඨාසය කොළඹ කොටුව මහේස්ත්‍රාත් රංග දිසානායක මහතා වෙත අද (26) කරුණු වාර්තා කළේය.

සිද්ධියට අදාළව හිටපු අමාත්‍යවරුන් කිහිපදෙනෙකු සහ රජයේ ආයතනවල උසස් නිලධාරීන් කිහිපදෙනෙකු සම්බන්ධ වී ඇති බවට සඳහන් කර ඇති පැමිණිල්ලක් සම්බන්ධයෙන් මෙම විමර්ශනය ආරම්භ කර ඇතැයි ද මූල්‍ය අපරාධ විමර්ශන කොට්ඨාසය වැඩිදුරටත් අධිකරණය දැනුම්වත් කර තිබිණී.