(ඩයනා උදයංගනී)

ශ්‍රී ලංකා නිදහස් පක්‍ෂයේ 70 වැනි සංවත්සරය ලබන මස 2 වැනිදාට යෙදී ඇති අතර කොවිඩ් වසංගත තත්වය හේතුවෙන් එය සූම් තාක්‍ෂණය ඔස්සේ පැවැත්වීමට තීරණය කළ බව එම පක්‍ෂයේ මහ ලේකම්, රාජ්‍ය අමාත්‍ය දයාසිරි ජයසේකර මහතා පැවසීය.

පක්‍ෂයේ 70 වැනි සංවත්සරය උත්කර්ෂවත්ව පැවැත්වීමට තීරණය කර තිබුණත් පවතින තත්වය අනුව එසේ කළ නොහැකි බව ද මහලේකම්වරයා සඳහන් කළේය.

රට පුරා සිටින පක්‍ෂ සංවිධායකවරු, මන්ත්‍රීවරු සහ පාක්‍ෂිකයින් සමඟ සූම් තාක්‍ෂණය ඔස්සේ එම සැමරුම පවත්වන බව ද ජයසේකර මහතා කීය.

රාජ්‍ය අමාත්‍යවරයා මේ බව පැවසුවේ එම පක්‍ෂ මූලස්ථානයේදී අද (18) පැවති මාධ්‍ය හමුවක් අමතමිනි. මීට අමතරව රට තුළ පවතින රුධිර හිඟයට විසඳුමක් ලෙස ජාතික රුධිර මධ්‍යස්ථානයට රුධිරය පයින්ට් 10,000ක් ලබාදීමේ වැඩසටහනක් ද පක්‍ෂ සංවත්සරයට සමගාමීව සංවිධානය කර ඇතැයි ජයසේක මහතා පැවසීය

ඒ අනුව අනිද්දා (20) සිට ලබන 1 වැනිදා දක්වා රුධිර බැංකුවේ ජංගම රථ හා පක්‍ෂයේ 10,000කට අධික පිරිසක් සහභාගී කරගෙන දැවැන්ත ලේ දන්දීමක් කරන්න සිදුකරන බව ද හෙතෙම සඳහන් කළේය.