(ජයන්ත සමරකෝන්)

ශ්‍රී ලංකා නිදහස් පක්ෂයේ මහා සම්මේලනය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ලබන සැප්තැම්බර් මස 3 වැනිදා පස්වරුවේ සුගතදාස ශෘහස්ත ක්‍රීඩාංගනයේදී පැවැත්වේ.

ශ්‍රීලනීප ප්‍රතිසංවිධාන වැඩ පිළිවෙළ හා නව තනතුරු සඳහා පත්වීම් එදින පිරිනැමෙන බවත් ගම් මට්ටමේ බිම් මට්ටමේ පාක්ෂිකයින් ඇතුළු සියලු පක්ෂ සංවිධානයෙන් මාධ්‍ය සංවිධාන නියෝජිතයින්ගෙන් ඇතුළු පක්ෂ සමාජිකයින් විශාල පිරිසක් එදිනට සහභාගී වන බවත් එජනිස මහ ලේකම් පාර්ලිමේන්තු මන්ත්‍රී මහින්ද අමරවීර මහතා පැවැසීය.

පක්ෂය ශක්තිමත් කිරීම පුළුල් සංධානයක් ගොඩනැගීම හා පක්ෂයේ ඉදිරි වැඩ පිළිවෙල පිළිබඳ සාකච්ඡා කිරීම මෙදින සිදුවන බවද ඒ මහතා  කීය.

පක්ෂ 10 කින් යුත් සන්ධානයක් මෙදින ගොඩනගන බවද අලුතින් ගොඩනගන පුළුල් සන්ධානය තුළ නව බලවේග රැසක් ඇතැයිද මන්ත්‍රීවරයා අනාවරණය කළේය.

කොළඹ 10 ඩාර්ලිපාරේ පිහිටි ශ්‍රීලනිප මූලස්ථානයේ අද (08) පැවැති ප්‍රවෘත්ති සාකච්ඡාවකදී මන්ත්‍රීවරයා මේ බව පැවැසීය.