IMG-LOGO

ශ්‍රීලනිපයේ 24 දෙනා එජාපය හදන ආණ්ඩුවකට එක් වෙන්නේ නෑ - මහින්ද අමරවීර

(විනීතා එම් ගමගේ)

ආණ්ඩුවේ මැති ඇමතිකම් දරන ශ්‍රී ලංකා නිදහස් පක්ෂයේ 24 දෙනා එක්සත් ජාතික පක්ෂය හදන ආණ්ඩුවකට කිසිසේත්ම එක් නොවන බව ස්ථිර යැයි එක්සත් ජනතා නිදහස් සන්ධානයේ මහලේකම් කෘෂිකර්ම අමාත්‍ය මහින්ද අමරවීර මහතා ප්‍රකාශ කළේය.

මෙය රට  ගැන ප්‍රශ්නයක් යැයි කී අමාත්‍යවරයා රට අස්ථාවර වීමට ඉඩ නොතැබීම තම කණ්ඩායමේ මතය යැයි පැවසීය. හිටි හැටියේ ඉවත්ව ගිය 16 දෙනා යැයි කියූ දැන් 15 දෙනාගේ කණ්ඩායමට සිදුව ඇත්තේ කුමක්දැයි විමසිය යුතු බව ද හෙතෙම කියා සිටියේය.

ඉරිදා පත්තර බැලූ විට ආණ්ඩුව පසුදාම පෙරළෙනු ඇතැයි සිතෙන නමුත් එලෙසින් ආණ්ඩු පෙරළන්නට හැකියාවක් ඇත්දැයි තමන් නොදන්නා බව අමරවීර මහතා කීය.

ශ්‍රී ලංකා නිදහස් පක්ෂ ආණ්ඩුවක් සාදාගන්නට තමන් ද කැමති අතර එය කළ යුතු විධිමත් ක්‍රමයක් පවතින්නේ යැයි ද හෙතෙම කියා සිටියේය.

එක්සත් ජනතා නිදහස් සන්ධානයට තබා එක්සත් ජාතික පක්ෂයටත් තනිව ආණ්ඩුවක් හැදිය නොහැකි යැයි කී අමාත්‍යවරයා මේ යථාර්ථය සියලු දෙනා වටහා ගත යුතු යැයි ද ඔහු පැවසීය.

පළාත්  පාලන ඡන්දය පැවැත්වූ නව ක්‍රමයේ යම් යම් අඩුපාඩු පැවතියත් මනාප වලින් තොරව කටයුතු කරන්නට  ලැබීම හා කාන්තාවන් විශාල පිරිසකට එහි අවස්ථාව ලැබීම යන කරුණු  එහි ප්‍රයෝජන යැයි අමරවීර මහතා කියා සිටියේය.

ශ්‍රී ලංකාවේ කාන්තාවන්, කාන්තා නියෝජිතවරියන්ට ඡන්දය දෙන්නට අකමැති බව පෙනෙතියි කී ඇමති අමරවීර එම තත්ත්වය වෙනස් කිරීමට කාන්තා නියෝජිතවරියන් පියවර ගත යුතු බව ද සඳහන් කළේය.

ඉදිරි පළාත් සභා මැතිවරණයේදීත් මේ ආකාරයෙන්ම  කාන්තාවන්ට වැඩි අවස්ථා ලැබෙන පරිදි කටයුතු කිරීමට බලාපොරොත්තු වන බවත් අද පළාත් පාලන ආයතනවල දකින  මුහුණු පාර්ලිමේන්තු මැතිවරණයකදී ද දක්නට හැකි වේවායි තමා සිතන බවත් අමරවීර මහතා තවදුරටත් පැවසීය.

එක්සත් ජනතා නිදහස් සන්ධානයේ මහලේකම්වරයා මේ අදහස් පළ කළේ ශ්‍රී ලංකා නිදහස් පක්ෂයේ කාන්තා සංවිධානය විසින් බස්නාහිර පළාතේ පළාත් පාලන ආයතනවල මන්ත්‍රීවරියන් වෙනුවෙන් සංවිධානය කොට තිබූ වැඩමුළුවක් අමතමිනි. මැතිවරණ ප්‍රචණ්ඩ ක්‍රියා නිරීක්ෂණ මධ්‍යස්ථානයේ සහයෝගයෙන් මෙම වැඩමුළුව පැවැත්විණි.



අදහස් (4)

ශ්‍රීලනිපයේ 24 දෙනා එජාපය හදන ආණ්ඩුවකට එක් වෙන්නේ නෑ - මහින්ද අමරවීර

Kumar Tuesday, 23 October 2018 01:02 PM

එතකොට දැන් හදාගෙන ඇමැතිකම් අරගෙන ඉන්නේ...

:       0       1

OMG Tuesday, 23 October 2018 01:46 PM

කවුරු කොහොම කිව්වත් ලොකු කුට්ටි දෙනකොට විලිබිය විකුණලා පැති මාරු කරනවා... අපි දන්නේ නැත්ද බල්ලාවත් යන්නේ නැහැ කියලා බල්ලව තියලා හාම්පුතා මාරුවෙච්ච හැටි හා අප්පච්චි මැරුණා කියලා අනිත් පැත්තට කරක් ගැහුව හැටි... මේවා ලංකාවේ දේශපාලනයේ ටොයිස් වැඩ...

:       5       10

1sumith Tuesday, 23 October 2018 03:18 PM

කවද්ද මෙරට සංවර්ධනය කරන්නේ? අනේ මන්දා මෙහෙමත් රටක්...

:       0       19

benat Tuesday, 23 October 2018 03:48 PM

දැන් එතකොට ඔය මොන ආණ්ඩුවට එකතුවෙලාද කටු කන්නේ?

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 52 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 451 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 890 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site