( රොමේෂ් මධුෂංඛ)

යාපනය චලෙයි ප්‍රදේශයේදී නාවික හමුදාව විසින් සිදු කරන ලද සෝදිසි මෙහෙයුමකදී කැලෑවක වලදමා තිබූ එල්.ටී.ටී.ඊ. සංවිධානය විසින් භාවිතා කල බවට සැක කෙරෙන යුද උපකරණ රැසක්  හමු වූ බවට නාවික හමුදාව පවසයි.

උතුරු නාවික විධානයට ලද බුද්ධි තොරතුරකට අනුව එහි නිලධාරීන් පිරිසක් විසින් චලෙයි ප්‍රදේශයේ කැලෑ බද ප්‍රදේශයකදී සිදු කරන ලද සෝදිසි පරික්ෂා වලදී අදාල යුද උපකරණ තොගය හමු වී ඇත.

එහිදී වලදමා තිබියදී මිලිමීටර් 81 වර්ගයේ මෝටාර් උණ්ඩයක්, මිලිමීටර් 120 වර්ගයේ මෝටාර් උණ්ඩයක්, මිලිමීටර් 60 වර්ගයේ ,මෝටාර් උණ්ඩයක්, ආර්.පී.ජී. උණ්ඩ 03 ක් , අත්බෝම්බ 05ක් සහ කොටි සංවිධානය විසින් නිශ්පාදිත මර උගුලක් මේ අතර වෙයි.

යුද සමයේදී කොටි සංවිධානය විසින් අදාල  ආයුධ තොගය වලදමන්නට ඇති බවට නාවික හමුදාව සැක පල කරන අතර සොයාගත් බෝම්බ නිශ්ක්‍රීය කිරීම හා වැඩි දුර පරික්ෂණ කටයුතු සිදු කිරීම සඳහා පොලිස් විශේෂකාර්ය බලකායට ලබා දීමට පියවර ගත් බවට නාවික හමුදාව වැඩි දුරටත් පැවසීය.

;