‘වාහන අමතර කොටස් ගෙන්වීමට සීමා පනවා නෑ’

(සුජිත් හේවාජුලිගේ සහ අංජුල මහික වීරරත්න)

වාහන කිරීමට සීමා පනවා ඇතත් වාහන අමතර කොටස් ගෙන්වීමට සීමා පනවා නැතැයි සමෘද්ධි සහ ව්‍යාපාර සංවර්ධන රාජ්‍ය අමාත්‍ය ෂෙහාන් සේමසිංහ මහතා පාර්ලිමේන්තුවේදී අද (9) පැවැසීය.

ඔහු මෙසේ පැවසුවේ ශ්‍රී ලංකා පොදුජන පෙරමුණේ ජාතික ලැයිස්තු මන්ත්‍රී මොහොමඩ් මුසම්මිල් මහතා මතු කළ ප්‍රශ්නයකට පිළිතුරු දෙමිනි.

වාහන එකලස් කිරීමේ ව්‍යාපාර ශ්‍රී ලංකාවේ අරඹා ඇති බවත් එම ව්‍යාපාර සඳහා බදු සහන ලබාදීමට රජය කටයුතු කරමින් සිටින බවත් රාජ්‍ය ඇමැතිවරයා ප්‍රකාශ කළේය.

වාහන එකලස් කිරීම සඳහා නියෝජිතයන් කිහිපදෙනෙකු මේ දිනවල රජය සමග සාකච්ඡා කරගෙන යන බවද හෙතෙම පැවසුවේය.

වාහන ආනයනය සඳහා පනවා ඇති තහනම දිගු කාලීනව පවතින්නක් නොවන බව ඔහු වැඩිදුරටත් කීවේය.

අදහස් (4)

‘වාහන අමතර කොටස් ගෙන්වීමට සීමා පනවා නෑ’

fairoos Tuesday, 09 November 2021 12:36 PM

දේශපාලකයන්ට කඩේ යන අයම නියෝජිතයන් කරගත්තොත් හරි

: 13 4

Nuwan Tuesday, 09 November 2021 12:46 PM

චීනාගේ ලදරම් වාහන ලංකාවේ එකලස් කරලා ඒකෙනුත් චීනාට සල්ලි යවන වැඩක් කරලා මේ ගොල්ලෝ ජපන් වී8 වල යනවා

: 16 5

SL Tuesday, 09 November 2021 01:49 PM

කාපට් කරපු පාරවල් වල වෝටර් බෝර්ඩ් එකෙන් හාරලා තියෙන වලවල් ටික වහල දැම්මොත් වාහන අමතර කොටස් වලට වැයවෙන බිලියන ගානක් මුදල් වසරකට ඉතිරි කරන්න පුළුවනි. තද බය තියෙන පාරවල් ඩබල් ට්‍රැක් කරන්න පුළුවන් තැන් වල ඩබල් ට්‍රැක් දැම්මොත් තව බිලියන ගානක් තෙල් වලට යන සල්ලි අඩු කරගන්න පුළුවන්

: 0 19

SathishTuesday, 09 November 2021 04:19 PM

ඒක නම් මසුරං කතාව. කාපට් එක මැද්දේ ලොකු වලක් හාරලා ආවරණය නොකර යන්න යනවා. නොදන්න එකෙක් හරි අමතක වුනොත් හරි වලේ වැටිල උඩ යනව. ටයර් වල කම්බි කැඩෙනව, නැත්තන් සස්පෙන්ශන් වලට බඩුම තමයි.

: 0 0