2025 ජුලි මස 11 වන සිකුරාදා
2025 ජුලි මස 11 වන සිකුරාදා
(දයාසීලි ලියනගේ)
විශ්වවිද්‍යාල තුනක ආචාර්යවරු 101දෙනෙකු වැඩිදුර අධ්‍යාපනය ලැබීමට විදේශ ගතවී යළි පැමිණි නැති බව අනාවරණය වී ඇත.
මෙම ආචාර්යවරු ගිවිසුම් කඩකිරීම වෙනුවෙන් රුපියල් කෝටි 29කට ආසන්න මුදලක් රජයට ගෙවිය යුතු බව ගණන් බලා ඇත.
කැලණිය විශ්වවිද්‍යාලයේ පශ්චාත් හා ආචාර්ය උපාධි සඳහා 2011 වර්ෂයේ සිට ආචාර්යවරු 22දෙනෙක් විදේශගත වී තිබූ අතර, නියමිත කාලයේදී නැවත සේවයට වාර්තා කර නොතිබුණු බව විගණන වාර්තාවලින් අනාවරණය වී ඇත.
එම ආචාර්යවරු එළඹ තිබුණු බැඳුම්කර ගිවිසුම් කඩකිරීම නිසා 2019 දෙසැම්බර් 31 වන දින වනවිට රුපියල් මිලියන 97.26ක් අයවිය යුතුව තිබුණු බවද සඳහන් වේ.
ශ්රී ජයවර්ධනපුර විශ්වවිද්‍යාලයේ කථිකාචාර්යවරු 42දෙනෙකු පශ්චාත් උපාධි ලබාගැනීමට විදේශගතවී නැවත සේවයට පැමිණීම නිසා ගිවිසුම් කඩවීම මත 2020 ජූනි 30 දිනට රුපියල් මිලියන 113.71ක් අයවිය යුතුව ඇති බවද විගණන පරීක්ෂණවලින් අනාවරණය වී ඇත.
මොරටුව විශ්වවිද්‍යාලයේ අධ්‍යයන නිවාඩු ලබා විදේශගතවූ ආචාර්යවරුන් 37දෙනෙකු ගිවිසුම් හා බැඳුම්කර කඩකර තිබීම හේතුවෙන් 2019 දෙසැම්බර් 31 වනි දින වනවිට ඔවුන්ගෙන් රුපියල් මිලියන 76.86ක් අයවිය යුතු බවද වාර්තා විය.
2025 ජුලි මස 04
273
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
796
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1209
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
විශ්වවිද්‍යාල ආචාර්යවරු 101ක් රජයට කෝටි 29ක පොලු තියලා
විපරමා Friday, 29 January 2021 11:30 AM
දේශපාලකයෝ මුලු මහත් ජනතාවටම, පොලු තියලා තියෙන්නේ, ඕවා මොනවද? නූපන් දරුවන් පවා ලෝකෙටම ණය කාරයින් කරලා කරපු හරිය මදිද?
ලුම්බිණි Friday, 29 January 2021 11:41 AM
රජයට පොලු නොතියපු කෙනෙක් අද හොයාගන්න අමාරුයි. දේශපාලකයන්, නිලධාරීන්, ලොකු බිස්නස්කාරයන් මෙකී නොකී හැමදෙනාම රජයට පොලු තියලා තිබෙන්නේ. පුදුමේ කියන්නේ මේවා අයකර ගන්න කිසිකෙනෙක් මොකුත් නොකරන එක...
Rama Friday, 29 January 2021 03:47 PM
මොවුන් නම් කොට, ලැජ්ජා කල යුතුයි....
තිලක් Friday, 29 January 2021 04:54 PM
උගත් සක්විතිලා, රාජ්‍ය අංශයේ අයට විදෙස් රටක පුහුණුව, අද්‍යාපනය කියන්නේ තවත් ගාණක් හම්බවෙන වැඩක් විතරයි. ඔය අයට දුන් අවස්ථාවලින් වැඩ කෙරුවා නම් මේ රට සුරපුරයක්..
kapila Friday, 29 January 2021 09:51 PM
මේ උදවිය බොහොමයක් විශ්ව විද්‍යාලවල ඉගෙන ගන්නා අවදියේ අනිකුත් සිසුන් පුද්ගලික විශ්ව විද්‍යාලවලින් උපාධි ගැනීමට විරුද්ධ වන අය. මොවුන් දැන් කරන්නේ මහජන බදු මුදලින් නොමිලේ ඉගෙනගෙන රටට සේවයක් නොකොට රටින් පැනයාමයි.
අනෝමි Saturday, 30 January 2021 05:35 AM
ආචාර්යවරුන් විදේශගත වන්නේ ඇප බැඳුම්කර 02ක් හෝ 03ක් අත්සන් කර ලබාදුන් පසුවයි. මුදල් අය කරගත නොහැකියි යන්න ඒ නිසා කිව නොහැකියි. රජයට අයවිය මුදල් අයකර ගැනීමට බලධාරීන් ඉහත ක්‍රම භාවිතා නොකරන්නේ මන්දැයි ප්‍රශ්නයකි.