(ටෝනි කරුණානායක)
 
සංවිධානාත්මක අපරාධ කල්ලියක  නායකයෙකු වන ගනේමුල්ලේ සංජිව නැමැති හෙරොයින් ජාවාරම් කරුගේ ප්‍රධාන ගෝලයෙක් වන වෑලියේ සුරාජ්  ඇතුළු සැකකරුවන් දෙදෙනා ලබන  14  දක්වා රඳවා තබාගෙන විමර්ශනය කිරීම සදහා මිනුවන්ගොඩ මහෙස්ත්‍රාත් කේසර සී ඒ සමරදිවාකර මහතා අද (09) මිනුවන්ගොඩ පොලිසියට අවසර ලබා දුන්නේය .
 
එස්.ටී එෆ්. නිලධාරීන් කණ්ඩායමක් විසින් 08 වෙනිදා මිනුවන්ගොඩ පත්තඩුවන ප්‍රදේශයේ දි සැකකරුවන් දෙදෙනා ව කඩු 03ක්,බලපත්‍රයක් නොමැති වායු රයිෆල් එකක්,හෙරොයින් ග්‍රෑම් 04යි මිලිග්‍රෑම් 360ක් සහ නවින පන්නයේ මෝටර් රථයක් සමඟ අත්අඩංගුවට ගෙන මිනුවන්ගොඩ පොලිසියට බාර දී තිබුණි .
 
මිනුවන්ගොඩ වෑලියේ පදිංචි 24 හැවිරිදි  ගල්කැටි දේවගේ සුරාජ් රණවක හෙවත් වෑලියේ සුරාජ් නැමැති ආරූඪ නමින් හදුන්වනු ලබන සැකකරුව සහ පත්තඩුවන වැල්ලේගොඩැල්ලේ පදිංචි දිනුස පරාක්‍රම බංඩාර යන සැකකරුවන් දෙදෙනා ව අධිකරණය ට ඉදිරිපත් කර මෙසේ රැදවුම් නියෝග ලබා ගෙන තිබේ .
 
සැකකරුවන් දෙදෙනා හෙරොයින් ජාවාරම් කිරිමේ නිරත වෙමින් සිටියේද යන්නත් වෙනත් අපරාධවලට සම්බන්ධ වී ඇත්දැයි යන්නත් සම්බන්ධයෙන් ගම්පහ කොට්ටාශය බාර ජේ.පො අ .ඉන්දික ද සිල්වා මහතා ගේ අධික්සනය මත ගම්පහ සහකාර පොලිස් අධිකාරි තුසිත කුමාර මහතා ගේ උපදෙස් මත මිනුවන්ගොඩ පොලිස් ස්තානාධිපති ප්‍රධාන පොලිස් පරික්සක රොහාන් මහේස් මහතා ඇතුළු නිලධාරින් කන්ඩායමක් ව්සින් වැඩිදුරටත් පරික්ෂණ සිදු කරන බව පොලිසිය අධිකරණය හමුවේ පවසමින් කල ඉල්ලීම සැලකිල්ලට ගත් අධිකරණය  සැකකරුවන් දෙදෙනාව මෙසේ රදවා තබාගෙන විමර්ශනය කිරීම සදහා ම්නුවන්ගොඩ පොලිසියට අවසර ලබා දුන්නේය .