(නිමන්ති රණසිංහ)

සලාක භාරගැනීමේ බඳුනක ට දුම්කොළ සහ සුරුට්ටු විස්සක් දමා නීති විරෝධී ලෙස රැඳවියෙකුට යැවීමට තැත් කළැයි අගුණුකොලපැලැස්ස බන්ධනාගාරයේ ජේලර්වරයකු වහාම ක්‍රියාත්මක වන පරිදි වැඩ තහනමට ලක් කළ බව බන්ධනාගාර මුලස්ථානය පවසයි.

අදාල බන්ධනාගාර ජේලර්වරයා සිදුකළ විනය විරෝධී ක්‍රියාව හේතුවෙන් විනය පරීක්ෂණයකට යටත් ව ඔහුගේ වැඩ තහනම් කළ බව බන්ධනාගාර කොමසාරිස් මාධ්‍ය ප්‍රකාශක චන්දන ඒකනායක මහතා පැවසීය.

සිද්ධියට අදාළව සීසීටීවී දර්ශන පරික්ෂා කිරීමේදී මෙම ජේලර්වරයා සිදුකල ක්‍රියාව එහි සටහන්ව ඇති බවද ඔහු සඳහන් කළේය.

ඒ අනුව බන්ධනාගාර මුලස්ථානය විසින් මෙම ජේලර්වරයාගෙ වැඩ තහනම් කරනු ලැබූ බවද මාධ්‍ය ප්‍රකාශකවරයා සඳහන් කළේය.