විදුලි රැහැන නඩත්තු කරමින් සිටි කාර්මිකයා ලොරියේ ගැටී මරුට

(අනීෂා මානගේ)

බෙලිඅත්ත ගල්වැව ප්‍රදේශයේ අපරීක්ෂාරී අන්දමින් පැමිණි ලොරි රථයක් නඩත්තු කරමින් තිබූ විදුලි රැහැනක පැටලීම හේතුවෙන්, ඉණිමගෙහි සිටි විදුලි කාර්මිකයෙකු බිම ඇද වැටී අද(28) මිය ගොස් ඇතැයි බෙලිඅත්ත පොලිසිය කියයි.

මෙලෙස මියගොස් ඇත්තේ හක්මන කෝන්ගල පදිංචිව සිටි සෝමරත්න අබේවික්‍රම (54) නමැති දෙදෙරු පියෙකි. ඔහු විදුලිබල මණ්ඩලයේ ගාල්ල තැනීම් කාර්යාලයේ සේවය කරමින් සිටි අයෙකු බව පොලිසිය කියයි.

විදුලිබල මණ්ඩලයේ ගාල්ල තැනීම් කාර්යාලයේ නිලධාරින් පිරිසක් අද ගල්වැව ප්‍රදේශයේ අධිබලැති විදුලි රැහැන් පද්ධතිය නඩත්තු කරමින් සිටියදී මෙම අනතුර සිදුව ඇතැයි පොලිසිය කියයි.

ඉනිමඟක් මත සිටි විදුලි කාර්මිකයා ඉන් බිම වැටී මියගොස් තිබේ. විදුලි රැහැනේ පැටලුණු ලොරි රථය මීටර හැත්තෑපහක් පමණ දුරට ධාවනය කර ඇති අතර මේ නිසා තවත් විදුලි රැහැනක් නඩත්තු කරමින් සිටි සේවකයකුද අනතුරට පත්ව තිබේ. එම සේවකයා ඉණිමගෙහි පාදවලින් එල්ලී සිටියදී බේරා ගැනීමට අනෙක් සේවකයන් සමත්ව ඇති අතර ඔහු ප්‍රතිකාර සඳහා බෙලිඅත්ත දිසා රෝහලට ඇතුළත් කර තිබිණි.

විදුලිබල මණ්ඩලයේ සේවකයන් ප්‍රධාන මාර්ගය දෙපස විදුලි රැහැන් නඩත්තු කිරීම සම්බන්ධයෙන් මාර්ගයේ ධාවනය වන සියලු වාහන රියදුරන් දැනුවත් කර තිබියදී මෙම අනතුර වී ඇතැයි සේවකයෝ පවවසති.

අනතුරින් බිම වැටුණු පුද්ගලයා තංගල්ල මූලික රෝහලට ඇතුළත් කිරීමට යාමේදී මිය ගොස් ඇතැයි බෙලිඅත්ත පොලිසිය කියයි.

අදහස් (6)

විදුලි රැහැන නඩත්තු කරමින් සිටි කාර්මිකයා ලොරියේ ගැටී මරුට

Nimal Tuesday, 28 January 2020 12:23 PM

පාරේ වාහන එළවන විට 100%ක් අවධානයෙන් යා යුතුයි. ඉදිරිය පමණක් නොව නිරන්තරයෙන් පිටුපස දෙපැත්තේ පැතිතණ්ණාඩි දෙස බැලිය යුතුයි. ෆෝන් එකෙන් කතා කරමින්, අනෙක් මගියෙක් සමග කතා කරමින් වෙන කල්පනාවකින්, නිදිමතින්, බීමතින්, වාහන එළවන්න එපා. අවධානය ඉතාම ඉහළින් සෑම තත්පරයකම පවත්වාගෙන යා යුතුයි. එහෙම බැරි නම් පින් සිද්ධ වෙයි. වාහන එළවන්න එපා. මිනිස් ජීවිත අනතුරේ දාන්න එපා.

: 0 0

සෙනෙවිරත්න Tuesday, 28 January 2020 02:07 PM

රටේ ඇතැමුන්ගේ වනචාරී චර්යාව අනුුව වාහනයේ වීදුරු යහතින් තිබීම පුදුම සහගතය.

: 0 110

NuwanTuesday, 28 January 2020 02:44 PM

රටේ ඇතැමුන්ගේ වනචාරී චර්යාව නෙවේ... මේකේ සම්පූර්ණයෙන්ම රියදුරයි වනචාරි. විදුලි රැහැන් නඩත්තු කිරීම සම්බන්ධයෙන් මාර්ගයේ ධාවනය වන සියලු වාහන රියදුරන් දැනුවත් කර තිබියදී කියන කෑල්ල දැක්කේ නැද්ද? වාහනයක් ගත්තම වනචාරියෙක් වගේ එලවන්නේ බොහෝ දෙනා..., අහිංසක දෙදරු පියෙක් මරුට දරුවෝ, පවුල දුකට.. කාලකන්නි රියදුරෙක්...

: 0 0

sugath Tuesday, 28 January 2020 11:37 PM

මහා දවල් මෙවැනි අනතුරක් සිදුවන්නට මේ රියදුරා අන්ධයෙක්ද?

: 0 0

සරත් විජේසිංහ Wednesday, 29 January 2020 12:07 AM

එකිනෙකා පිලිබඳ නොසිතන සමාජයක මෙවන් අනතුරු සුලබ දෙයක්. අහිංසක මනුස්සයා ජිවිතයට සමුදුන්නා. ලොරි රියදුරා හෙට අනිද්දා නිදහස ලබයි. ඒකයි ඇත්ත .

: 0 0

සාරසී Wednesday, 29 January 2020 04:20 AM

යන්න ඇති හැටට හැටේ පාගලා. දැන් ඉතින් අසරණ උනේ මැරුණ මනුස්සයා ගේ අහිංසක දරුවන් සහ බිරිඳ නේද .

: 0 0