විදුලිය බිඳවැටීම ගැන ජොන්ස්ටන් පරීක්ෂණයක් ඉල්ලයි

(සුජිත් හේවාජුලිගේ සහ අංජුල මහික වීරරත්න)

පාර්ලිමේන්තුවේ විදුලිය ඇනහිටීම ගැන අපරාධ පරීක්ෂණ දෙපාර්තමේන්තුවට බාරදී පරීක්ෂණයක් පවත්වන්නැයි තමා කතානායකවරයාගෙන් ඉල්ලීමක් කරන බව ආණ්ඩු පක්ෂයේ ප්‍රධාන සංවිධායක ජොන්ස්ටන් ප්‍රනාන්දු මහතා පාර්ලිමේන්තුවේදී අද (3) පැවැසීය.

ඔහු මෙසේ පැවසුවේ ආරක්ෂක අමාත්‍යාංශය ඇතුළු අමාත්‍යාංශ කිහිපයක වැය ශීර්ෂ පිළිබඳ අයවැය කාරක සභා අවස්ථාවේ විවාදයේදීය.

පාර්ලිමේන්තුවේ විදුලිය පාලනය කරනු ලබන්නේ විදුලි බල මණ්ඩලය විසිනැයි පැවසූ ප්‍රනාන්දු මහතා පාර්ලිමේන්තුවේ විදුලිය පාලන කටයුතු වෙනම ඉංජිනේරුවරයකු යටතට පත් කරන්නැයි ඉල්ලිමක් කරන බවද ප්‍රකාශ කළේය.

එය පාර්ලිමේන්තුවේ බලය යටතට පත් කළ යුතු බවද හෙතෙම කීවේය.

මේ සිද්ධිය වූයේ ආරක්ෂක අමාත්‍යාංශය පිළිබඳ විවාදය යන අවස්ථාවේදී බවත් පාර්ලිමේන්තුවේ ආරක්ෂාව තහවුරුවිය යුතු බවත් ඔහු පැවසුවේය.

මේ ප්‍රශ්නය අවසන් කිරීමට ලක්ෂ්මන් කිරිඇල්ල විපක්ෂයේ සංවිධායකවරයාද එකඟවූ බවත් තමා ඔහුට ඒ සම්බන්ධයෙන් ස්තූතිවන්ත වන බවත් ජොන්ස්ටන් ප්‍රනාන්දු මහතා වැඩිදුරටත් පැවැසීය.

අදහස් (7)

විදුලිය බිඳවැටීම ගැන ජොන්ස්ටන් පරීක්ෂණයක් ඉල්ලයි

චමින්ද ජයනාත් ජයසූරිය Friday, 03 December 2021 06:24 PM

අම්මෝ ඔව්, දවසක් ඕකට විදුලිය නැතිව ගියොත් මොනතරම් පාඩුවක්ද රටට.... නේද...?

: 1 18

Shan Friday, 03 December 2021 07:10 PM

ඔය අපේ සල්ලි කන මෝඩ රැළ ඉන්න පාර්ලිමේන්තුවට විදුලිය තිබුණත්, නැතත් අපිට කමක් නැ.. මේ මනුස්සයාට තේරෙන්නේ නැද්ද ඔය නාඩගම් මඩුවට වැඩිය රෝහල්වලට විදුලිය ඕනෑ කියලා. මේ වගේ අයට ඡන්දය දුන් මිනිසුනි, කරුණාකර මේ විශාල වැරැද්ද හැකි ඉක්මණින් නිවැරැදි කරන්න.

: 2 21

siri Friday, 03 December 2021 07:13 PM

පාර්ලිමේන්තුවේ විතරක් නොවේ, මුළු රටේම විදුලිය බිඳවැටිලා ලොක්කා... සමහරවිට සෞභාග්‍යය වැඩිවෙලා නිසා වෙන්න ඇති...

: 1 22

Lalith M Friday, 03 December 2021 07:18 PM

පාර්ලිමේන්තුවේ නොවේ, මහජනතාව ගැන හිතන්න ඕන ඉස්සර වෙලාම. රට පවතින්නට ඔය 225 ඕන නෑ කියලා දන්නවා නේද?

: 1 18

asanka Friday, 03 December 2021 07:34 PM

ඔතනට විතරක් විදුලිය තිබුණාම ඇද්ද? එතකොට අපේ ගෙවල්වල විදුලිය බිඳවැටීම ගැන කතා කරන්නේ කව්ද?

: 1 19

Kumara Friday, 03 December 2021 11:21 PM

අරක්කු ටිකක් වෙලාවට පෙරාගන්න බැරිවුණා... ඒකයි මේ තද වෙලා තියෙන්නේ...

: 0 1

Royfedricks Saturday, 04 December 2021 07:16 AM

එතකොට අර මිරිස් කුඩු ගහපු එකට, පොලිස් කාරයින්ට පුටුවෙන් ගහපු එකට... එව්වට මොකද කරන්නේ...?

: 0 1