2023 පෙබරවාරි මස 05 වන ඉරිදා
(මනෝප‍්‍රිය ගුණසේකර)
රුපියල් ලක්ෂ 20 ක් පමණ වටිනා දැව තොගයක් ත‍්‍රිකුණාමලයට රැගෙන යමින් සිටි ලී මෝල් හිමියකු ඇතුළු තිදෙනෙකු අත්අඩංගුවට ගත් බව වන සංරක්ෂණ දෙපාර්තමේන්තුවේ නිලධාරීහු පිරිසක් සමත්වූහ.
රජයේ කැලෑවලින් දැව කපා ‘අත්‍යවශ්‍ය සේවා’ පුවරුව සවිකළ ලොරි රථ යොදාගෙන දැව ජාවාරමක් කරන බවට කුරුණෑගල අඩවි වන නිලධාරී ජයන්ත විමලසිරි මහතාට ලැබුණු තොරතුරකට අනුව කුරුණෑගල දඹුල්ල මාර්ගයේ කළ හදිසි සෝදිසි මෙහෙයුමකදී සැකකරුවන් අත්අඩංගුවට ගෙන ඇත.
කුරුණෑගල දිසා වන නිලධාරී ලලිත් ගමගේ මහතාගේ උපදෙස් මත සැකකරුවන්ගෙන් කළ ප‍්‍රශ්න කිරීම්වලදී රජයේ කැලෑවලින් බලපත‍්‍ර නොමැතිව කැපු දැව විවිධ ප‍්‍රදේශවලට ප‍්‍රවාහනය කිරීම දීර්ඝ කාලයක් තිස්සේ කර ඇති බවට තොරතුරු හෙළි වී තිබේ.
‘අත්‍යවශ්‍ය සේවා’ පුවරුව සවිකළ ලොරි රථ පොලිසිය හෝ වෙනත් රජයේ නිලධාරීන් පරීක්‍ෂාවට ලක් නොකීරීමෙන් නීතීවිරෝධී දැව ප‍්‍රවාහනය කිරීමට දැව ජාවාරම්කරුවන් මෙලෙස කටයුතු යොදා ඇත.
sharm warn Monday, 17 February 2020 04:07 AM
ගස් ටික කපන්න කලින් අල්ල ගන්න බැරි වුනාද ? වන සංරක්ෂණ නිලධාරීන් ගොඩක් වෙලාවට කලේ අස්සයෝ ටික පැනල ගියාට පස්සේ ඉස්තාල වහන එක. මේ රටේ ගහකොළ ගැන කතා කරන්න සටන් කරන්න ඉන්නේ ගෑහැනියෙක් විතරද ?
Reply : 0 1
