(නිමන්ති රණසිංහ)

බැඳුම්කර පිළිබඳ ජනාධිපති කොමිසම හමුවේ අසත්‍ය සාක්ෂි ලබාදුන්නැයි කියන සිද්ධිය සම්බන්ධයෙන් සිදුකරන පරීක්ෂණයට අදාළව ඉදිරි දින හත තුළ අපරාධ පරීක්ෂණ දෙපාර්තමේන්තුවේ පෙනී සිට සිය සම්පූර්ණ ප‍්‍රකාශය ලබාදෙන ලෙස කොළඹ ප‍්‍රධාන මහේස්ත‍්‍රාත් ලංකා ජයරත්න මෙනවිය විදුලිබල බලශක්ති සහ ව්‍යාපාර සංවර්ධන ඇමැති රවී කරුණානායක මහතාට අද (21) නියෝග කළාය.

මෙම අධිකරණ නියෝග ලැබී දින 7 ක් ඇතුළත අපරාධ පරීක්ෂණ දෙපාර්තමේන්තුවේ මූල්‍ය විමර්ශන ඒකක 1 හි පෙනී සිටිමින් මෙම ප‍්‍රකාශය ලබා දී විමර්ශනයට සහාය දක්වන ලෙසට ද අධිකරණය වැඩිදුරටත් එම නියෝගයේ සඳහන් කර ඇත.