(ඉන්දිකා රාමනායක)
 
නාගරික  ප‍්‍රදේශවල පොදු ස්ථානවල රථවාහන  නවතා තැබීමේදී  රියදුරුගේ ජංගම දුරකතන අංකය සහ  නම මෝටර් රථ ඉදිරිපස වීදුරුවේ  ප‍්‍රදර්ශනය කළ යුතු  බව පොලිස් මාධ්‍ය ප‍්‍රකාශක පොලිස් අධිකාරි රුවන් ගුණසේකර මහතා පැවසීය. 
 
නාගරික ප‍්‍රදේශ වල තැන තැන රථවාහන නවතා රියදුරන් නොයෙක් රාජකාරි  කටයුතුවලට පිටව යන බවත්,  මෙම වාහන සැකකටයුතු වාහන යැයි පවසමින්  ජනතාව  පොලිසිය දැනුවත් කර  බෝම්බ නිශ්කී‍්‍රය අංශ එම ස්ථානවලට ගෙන්වා පරීක්ෂා කරන බවත්, එම අවස්ථාවලදී  රියදුරන් ඉදිරිපත් වන බවද   ගුණසේකර මහතා පැවසීය.
 
මේ ආකාරයේ කි‍්‍රයා හේතුවෙන් පොලිසිය, බෝම්බ නිශ්කී‍්‍රය අංශයද, ජනතාව ද  අපහසුතාවට පත්වන හෙයින්  එය වැළැක්වීමට මෙම පියවර ගත් බවද පොලිසිය කියයි.