(අජිත්ලාල් ශාන්තඋදය)

කලුගඟ, වේ ගඟ, කුරු ගඟ , හංගමු ගඟ ඇතුලු රත්නපුර දිස්ත‍්‍රික්කයේ ප‍්‍රධාන ගංගා වල ජල මට්ටම සීග‍්‍රයෙන් ඉහළ යාම නිසා පහත් බිම් රැසක් අද (16)  වනවිට ජලයෙන් යටවී ඇති බව ආපදා කළමනාකරණ මධ්‍යස්ථානය පවසයි.

කලුගඟේ ජල මට්ටම අද අලූයම 04.30 වන විට අඩි 17 මට්මට ඉක්මගිය බව වාරිමාර්ග දෙපාර්තමේන්තුව පවසයි.

එහෙත් අද උදෑසන 06.30 වනවිට අඟල් තුනකින් පමණ ජල මට්ටම අඩුවී තිබූ බවද වාරිමාර්ග දෙපාර්තමේන්තුව සඳහන් කළේය.

කලූගගේ ජල මට්ටම මේ වනවිට පවතින්නේද අවදානම් මට්ටම වූ මීටර් 05 ඉක්මවා නිසා ගංවතුර තත්ත්වයක් බලාපොරොත්තුව සිටින්නැයි මහජනතාවට ආපදා කළමනාකරණ දෙපාර්තමේන්තුව සඳහන් කරයි.

කුරු ගඟේ ජලමට්ටම ද සීග‍්‍ර ලෙස ඉහළගොස් ඇති අතර කුරුවිට පාතගම, කුරුවිට කදන්ගොඩ හරහා තෙප්පනාව පාර ස්ථාන ගණනාවකින් ජලයෙන් යටවී ඇත. එම මාර්ගවල වාහන ගමනාගමනය ද ඇණහිට ඇත.

මේ අතර ගොඩනැගිලි හා පර්යේෂණායතනය නිකුත් කළ නිවේදනයකින් දැක්වෙන්නේ රත්නපුර දිස්ත‍්‍රික්කයේ කොලොන්න, ගොඩකවෙල සහ වැලිගෙපොල යන ප‍්‍රාදේශීය ලේකම් කොට්ඨාස තුල නාය යාමේ අවදානමක් පවතින බවයි.

ඒ නිසා පොලොවේ ඉරි තැලීම්, ගිලා බැසීම්, ගස්, විදුලිකණු, දුරකතන කණු ආදිය ඇලවේනම්, ගොඩනැගිලි බිත්ති වල සහ ගෙබිම්වල පුපුරායාම් ඇත්නම් මෙන්ම එකවර ජල උල්පත් ඇතිවේනම්, තියන ජල උල්පත් වලින් බොර වතුර මතුවේනම් හැකි ඉක්මනින් ආරක්‍ෂක ස්ථාන කරා යන ලෙසද එම නිවේදනයේන් පෙන්වා දෙයි.