රොමේෂ් මධුෂංඛ

         

යාපනය නාගදීපයට ගමන් කරන බෞද්ධ බැතිමතුන්ගේ ගමනාගමන කටයුතු පහසුව වෙනුවෙන් සවිකර තිබූ නාගදීපය නැමති නාමපුවරුවේ නාගදීප චෛත්‍ය වැසෙන පරිදි රතු තීන්ත ගා ඇති බවට කයිට්ස් පොලීසිය පවසයි.

කයිට්ස් වේලනෙයි මංසන්ධියේ සවිකර ඇති මෙම නාම පුවරුවේ නාගදීපය යනුවෙන් ලියා ඇති සිංහල, දෙමළ ඉංග්‍රිසි වැකි ඉතිරිවන අයුරින් නාගදීප චෛත්‍ය ඇතුළු පුද බිමේ ඡායාරූපය වැසෙන පරිදි මෙසේ රතු තීන්ත කිසියම් පිරිසක් විසින් ගා ඇති බවට කයිට්ස් පොලීසිය පවසයි.

කෙසේ වෙතත් අදාළ රතු තීන්ත ගා ඇති පිරිස් මෙතෙක් අනාවරණය වී නොමැති අතර අදාළ සිදුවීම සම්බන්ධයෙන් පරික්ෂණයක් අරඹා ඇති බවද කයිට්ස් පොලීසිය පවසයි.

පසුගිය පළාත් සභා පාලන සමයේදී ද හිටපු උතුරු මහඇමැති සී.වී.විග්නේශ්වරන් ඇතුළු දෙමළ දේශපාලඥයින් විසින් උතුරු පළාත් සභාවේදී විරෝධතා පල කරමින් කියා සිටියේ නාගදීප යනුවෙන් වචනයක් හෝ නමක් නොමැති බවත් එය නයිනතිව් වශයෙන් හැඳින්විය යුතු බවයි.