මිහින්තලා භූමිය 24 පැයේම ආලෝකවත් කරන්න පියවර

(අංජුල මහීක වීරරත්න)

ඓතිහාසික මිහින්තලා පූජා භුමිය 24 පැය පුරාවටම විදුලි ආලෝකවත් කිරීමට අග්‍රාමාත්‍ය රනිල් වික්‍රමසිංහ මහතා පියවර ගෙන තිබේ.

ඊට අමතරව අනුරාධපුර අටමස්ථානයම රාත්‍රී කාලය පුරාවට ආලෝකවත් කිරීමට ද අග්‍රාමාත්‍ය රනිල් වික්‍රමසිංහ මහතා තවදුරටත් අවශ්‍ය කටයුතු යොදා පවති.

ඓතිහාසික මිහින්තලා පූජා භුමිය 24 පැය පුරාවටම ආලෝකවත් කිරිමට අදාළ කැබිනට් පත්‍රිකාව අග්‍රාමාත්‍ය රනිල් වික්‍රමසිංහ මහතා විසින් ඉදිරිපත් කර තිබේ .

ඉහත කැබිනට් පත්‍රිකාවට අනුමැතිය හිමිවීමත් සමගම විදුලිබල හා බලශක්ති අමාත්‍යාංශය යටතේ ඇති ලෙකෝ සමාගම මගින් ඉහත පූජනීය ස්ථාන 2 ක සඳහා විදුලි ආලෝකය සපයනු ලබයි.

අටමස්ථානයට අයත් ජයසිරි මහ බෝධිය , රුවන්මැලි සෑය, ථූපාරාම, ජේතවනාරාමය, අභයගිරිය, මිරිසවැටිය, ලෝවාමහාපාය, ලංකාරාමය යන පූජනීය ස්ථාන රාත්‍රී කාලයේ ආලෝකවත් කිරිම මගින් ඓතිහාසික මිහින්තලයට පැමිණෙන සංචාරකයන්ට මුළු රාත්‍රියෙහිම වුවද අටමස්ථානය දැක බලා ගැනීමට හැකිවන බව බුද්ධශාසන අමාත්‍ය ගාමිණී ජයවික්‍රම පෙරේරා මහතා පැවසීය.

ඓතිහාසික මිහින්තලා පූජා භූමිය හා අටමස්ථානය රාත්‍රිය පුරා ආලෝකවත් වන්නේ ඉතිහාසයේ පළමු වතාවට බවද අමාත්‍යවරයා කීවේය.

අදහස් (6)

මිහින්තලා භූමිය 24 පැයේම ආලෝකවත් කරන්න පියවර

ajith Wednesday, 21 August 2019 09:23 AM

පැය 24ම සතොස ඇරිය වගේද? එකම ඇමතිනේ?

: 53 176

ලුම්බිණි Wednesday, 21 August 2019 09:56 AM

මේ මොන බොරුවැඩද කරන්නේ..?

: 0 23

Bamunuarachchi Wednesday, 21 August 2019 09:56 AM

වික්‍රමසිංහගේ තවත් වික්‍රමයක්. කාව ගොනාට අන්දන්නද දවල් 12ටත් ලයිට් දානවා කියන්නේ?

: 3 128

RaveendraWednesday, 21 August 2019 10:44 AM

සූත්තර පුන්චාගේ හිතේ අපේ රට තියෙන්නේ උත්තරධ්‍රැවයේ නැත්නම් දක්ෂිනධ්‍රැවයේ කියලා... මොකද නිතරම කරුවල ගතියක්නේ තියෙන්නේ. එහෙමත් නැත්නම් අපේ උගතා හිතුවද දන්නෑ මිහින්තලේ තියෙන්නේ "මන්දාරම් නුවර" කියලා. කොහොමද අපේ මේ උගත්, බුද්ධිමත් බය නැති අලියාගේ තරම...

: 0 62

Rohitha Wednesday, 21 August 2019 12:53 PM

ඕක කරන්න ඉස්සෙල්ලා පරිසරවේදීන්ගේ අදහස් ගත්තා නම් හොඳයි. ඔය රෑ එලිවෙනකම් ලයිට් තියෙනවා කියන්නේ සමහර සත්තුන්ගේ පැවැත්ම කෙරෙහි අහිතකර ලෙස බලපාන්නට පුළුවන්...

: 0 0

Jaya Wednesday, 21 August 2019 01:32 PM

මේ ඉවසගන්නත් බැරි තරමට දවල්ට ඉර පායන රටේ පැය 24 ම ලයිට් දාන්නේ මොකටද?

: 0 0