(සිතුම් චතුරංග)
           
මුලතිව්, කේපාපිලව් 11 වන ඉංජිනේරු බලකා කඳවුර ආසන්නයේ කැලෑ ප්‍රදේශයක තිබී කිලෝ 250 යුත් අධිබල බෝම්බයක් අද(06) සොයාගත් බව මුල්ලියාවේලි පොලිසිය කියයි.      
           
මෙලෙස පසුගිය යුද සමයේ ත්‍රස්ත ඉලක්ක වෙත ප්‍රහාර එල්ල කිරීම සඳහා ගුවන් හමුදා මිග් යානාවලින් මුදහරින ලද බෝම්බයක් බවට පොලිසිය සැක පළකරති.
           
ප්‍රදේශවාසීන් ලබාදුන් තොරතුරකට අනුව සොයාබැලීමේදී මෙම බෝම්බය හමුවී ඇති බව පොලිසිය සඳහන් කරයි.
           
දිගින් අඩි තුන හමාරක් පමණ වන මෙම බෝම්බයෙහි කොටසක් ගැලවී පුපුරාගොස් තිබූ බවද කීය. පොලිසිය පැවසූයේ මෙම බෝම්බයෙහි කොටසක් පොළව අභ්‍යන්තරයේ පැවතීම හේතුවෙන් පුපුරා නොගොස් ආරක්ෂිතව තිබී ඇති බවයි.
           
සොයාගත් බෝම්බය සම්බන්ධයෙන් මුලතිව් මහෙස්ත්‍රාත් අධිකරණයට කරුණුවාර්තා කිරීමෙන් අනතුරුව අධිකරණ නියෝග යටතේ ගුවන් හමුදා බෝම්බ නිශ්ක්‍රීය අංශය විසින් නිශ්ක්‍රීය කිරීමට නියමිත බවද පොලිසිය පැවසීය.
 
මුල්ලියාවේලි පොලිසිය වැඩිදුර විමර්ශන සිදුකරති.