(එෆ්.අස්ලම්)
 
යාපනය මිරිසුවිල්හි පුද්ගලයින් 08 දෙනෙකු ඝාතනය කිරීමේ සිද්ධියට මරණ දඩුවම නියමව සිටි යුද හමුදා නිළධාරියෙකු ජනපති සමාව ලබා දීම පිළිබද  දෙමළ ජාතික සන්ධානය අප්‍රසාදය පළකර සිටී.

දෙමළ ජාතික සන්ධානය වෙනුවෙන් එහි මාධ්‍ය ප්‍රකාශක හිටපු පාර්ලිමේන්තු මන්ත්‍රී එම්.ඒ.සුමන්තිරන් මහතා සඳහන්  කරන්නේ මෙය රටේ වත්මන් තත්වය උපයෝගී කරගනිමින්   ජනාධිපති ගෝඨාභය රාජපක්ෂ මහතා විසින් ගනු ලැබූ අවස්ථාවාදී තීරණයක් බවය.

2000 වසරේ දී යාපනය මිරුසුවිල් ප්‍රදේශයේදී පුද්ගලයින් 8 දෙනෙකු ඝාතනය කිරීමේ සිද්ධිය සම්බන්ධයෙන් ශ්‍රී ලංකා යුද හමුදා විශේෂ බලකායේ  සැරයන් සුනිල් රත්නායකට කොළඹ මහාධිකරණය විසින් 2015 වසරේ දී මරණ දඩුවම නියම කළේය.

ජනාධිපති ගෝඨාභය රාජපක්ෂ මහතා පසුගියදා (26) වැනිදා තමන්‍ට පැවරී ඇති බලතල ප්‍රකාරව ජනාධිපති සමාව ලබා දී සුනිල් රත්නායක මහතා නිදහස් කරනු ලැබීය. ඒ පිළිබඳ මාධ්‍ය වෙත දහස් දක්වමින් සුමන්තිරන් මහතා මේ බව කියා සිටියේය.
 
මෙම සිද්ධියේ වරදකරු වූ සුනිල් රත්නායක යන අයට ජනපති සමාව ලබා දී නිදහස් කිරීම දැඩි සේ හෙලා දකිනවා.මේ ආකාරයේ සිද්ධීන්ට අදාල නඩු විභාග නොවන අවස්ථාවක බොහෝ දෙනෙකු අභියාචනා ඉදිරිපත් කර තිබියෙදීත් ජනපති සමාව යටතේ නිදහස් කිරීමට සිටි එකම තැනැත්තා සුනිල් රත්නායක පමණද යැයි සුමන්තිරන් මහතා සඳහන් කර සිටී.