(තිළිණි ද සිල්වා)

ජාතික භූමිගත දත්ත යටිතල පහසුකම් පද්ධතියේ සේවා පහසුකම් ලබා ගැනීමට ජනතාවට මේ වන විට අවස්ථාව උදාවී තිබේ.

ඒ අනුව මිනින්දෝරු දෙපාර්තමේන්තුව , ආපදා කළමණාකරන මධ්‍යස්ථානය , ශ්‍රි ලංකා සංචාරක සංවර්ධන අධිකාරිය , පුරාවිද්‍යා දෙපාර්තමේන්තුව ,මාර්ග සංවර්ධන අධිකාරිය , කෘෂිකර්ම දෙපාර්තමේන්තුව , නාගරික සංවර්ධන අධිකාරිය ,වන සංරක්ෂණ දෙපාර්තමේන්තුව ඇතුලු රාජ්‍ය ආයතන 25ක පමණ දත්ත මෙම පද්ධතියට ඇතුළත් කර තිබෙන බව ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනය අයි.සී.ටී.ඒ කටයුතු කර ඇත.

මෙම පද්ධතිය සඳහා www.nsdi.gov.lk වෙබ් අඩවිය ඔස්සේ පිවිසිය හැක.

මෙම ජාතික භුමිගත දත්ත යටිතල පහසුකම් පද්ධතිය විවිධ සිතියම් ස්ථර එකිනෙකට එක්වී සෑදුනු අන්තර්ජාලීය සිතියම් පද්ධතියක් වන අතර එමගින් එය භාවිතා කරන්නන්ට සිතියම් නැරඹීම, සකස් කළ දත්ත ලබා ගැනීම සහ භූමිගත තොරතුරු ලබා ගැනිමේ හැකියාව ඇත.

එමෙන්ම නිරන්තරයෙන් යාවත්කාලීන වූ නිවැරදි භූගෝලීය තොරතුරු ලබා ගැනීම මෙන්ම ආයතන කිහිපයක් අතර පහසුවෙන් දත්ත හුවමාරු කර ගැනීමේ දැනට පැවති දුෂ්කරතා මෙමගින් මග හැරී යනු ඇතැයි අපේක්‍ෂා කෙරේ.