(රොමේෂ් මධුෂංඛ)

මන්නාරමේ පිහිටි කතෝලික සුරුවම් 03 කට අද  අලුයම කිසියම් නාදුනන පිරිසක් පහර දී අලාභ හානි සිදුකොට පලා ගොස් ඇතැයි මන්නාරම පොලීසිය පවසයි.

මන්නාරම වයල් මාර්ගයේ ස්ථාන දෙකක පිහිටි කතොලික සුරුවම් දෙකකට සහ මන්නාරම පල්ලිමුනෙයි ප්‍රධාන මාර්ගයේ පිහිටි කතෝලික සුරුවමකට කිසියම් පිරිසක් පහර දී පලා ගොස් ඇති බව  පොලීසියට තොරතුරු ලැබී ඇත.

මේ සම්බන්ධයෙන් මන්නාරමේ වැසියන් පවසා සිටියේ ගෙවුනු දින තුනට පමණක්  කතෝලික සුරුවම් 06 කට කිසියම් කඩාකප්පල්කාරී පිරිසක් විසින් පහර දී හානි කොට ඇති බවයි.

මෙම පහරදීම සිදුකරන ලද පුද්ගලයන් කව්රුන්දැයි යන්න මෙතෙක් අනාවරනය වී නොමැති අතර අදාල පිරිස් සොයා විශේෂ පරික්ෂණයක් ආරම්භ කොට ඇති බවට මන්නාරම පොලීසිය වැඩිදුරටත් පැවසීය.