(රංජිත් රාජපක්ෂ)

                       
මධ්‍යම කඳුකරයේ බටහිර බෑවුම් ප්‍රදේශවල පිහිටි ජල පෝෂක ප්‍රදේශවලට තවදුරටත් තද වැසි පතිත වීමෙන් ජන ජිවිතයට ගැටළු රැසක් මතු වී තිබේ.

පවතින අධික වර්ෂාවත් සමඟ කාසල්රි සහ මවුස්සාකැලේ ජලාශවල ජල මට්ටම ඉහළ යමින් පවතින අතර , ඉහළ කොත්මලේ ජලාශයේ එක් වාන් දොරටුවක් ස්වයංක්‍රියව විවෘතව පවතී.

අධික වර්ෂාවත් සමඟ හැටන් කොළඹ ප්‍රධාන මාර්ගයත් , හැටන් නුවරඑළිය ප්‍රධාන මාර්ගයත් ලිස්සන සුළු බැවින් සහ වරින් වර මතු වන ඝන මීදුම් තත්ත්වය එම මාර්ගවල රථවාහන ධාවනය කිරිමේදී වාහනවල ඉදිරිපස ප්‍රධාන ලාම්පු දල්වාගෙන සෙමින් සැලකිලිමත් ලෙස රිය ධාවනය කරවන ලෙස හැටන් පොලිසිය රියදුන්ගෙන් ඉල්ලා සිටී.

පවතින අධික වර්ෂාවත් සමඟ තේ වතු ආශ්‍රිතව දෛනික වැඩ කටයුතු සිදු කිරිමට වතු කම්කරුවන්ගේ පැමිණිමේ අඩුවක් පවතින බව වතු අධිකාරිවරුන් කියා සිටියි.