විනීතා එම් ගමගේ
මැදපෙරදිග සේවය කරන ශ්රී ලාංකික ශ්රමිකයන් වෙනුවෙන් නිරෝධායන මධ්යස්ථාන, රෝගී වූවන් වෙනුවෙන් සෞඛ්ය පහසුකම් හා ආරක්ෂිත නිවස්න සැපයීමට වහා කටයුතු කරන ලෙස රාජ්ය අංශය නියෝජනය කරන වෘත්තිය සමිති රජයෙන් ඉල්ලීමක් කරයි.
විදේශ ශ්රමිකයන් වෙනුවෙන් ශ්රී ලංකා විදේශ සේවා නියුක්ති කාර්යංශයේ ඇති බිලියන ගණනක් වන සුභ සාධක අරමුදලින් මුදල් සපයා මෙම ශ්රමිකයන්ට පහසුකම් සැළැස්විය යුතු යැයි ද ඔවුහු කියා සිටිති.
රාජ්ය අංශයේ වෘත්තිය සමිති 20 ක් එක්ව මෙම ඉල්ලීම කර ඇති අතර විශේෂයෙන් කුවේට් හි පවතින තත්ත්වය පිළිබදව රජයේ විශේෂ අවධානය යොමු කළ යුතු බවට ද ඔවුහු අවධාරණය කරති.
එසේ නොකර මේ ශ්රමිකයන් වෙනුවෙන් පහසුකම් සැපයීමට නොහැකි බව කියමින් ඔවුන් ගෙන්වා නොගෙන සිටීම හා ඔවුන් පිළිබද නිහඩ පිළිවෙතක් අනුගමනය කිරීම පිළිකුලෙන් හෙලා දකින බව ද එම වෘත්තිය සමිති නිවේදනයක් නිකුත් කරමින් කියා සිටී.
කුවේට් හි පමණක් 19000 කට අධික ශ්රී ලාංකිකයන් පිරිසක් සිටින අතර, මෙම ශ්රමිකයන් වසංගත තත්වය තුළ මේ වන විට අඩු පහසුකම් යටතේ බරපතල පීඩාවට ලක්ව සිටින බව වාර්තා වෙතැයි ද එසේම වීසා අවසන්වී මේ වන විට නීත්යානුකූල නොවන ලෙස එම රටවල රැුදී සිටින පිරිසට එම රජයන් විසින් සහන කාලයක් ලබා දී ඇති අතර, එම සහන කාලය අවසන්වීමට පෙර ඔවුන් ගෙන්වා ගැනීම රජයේ වගකීමක් වන බව ද එම නිවේදනයේ සදහන් වේ.
විධිමත් වැඩපිළිවෙලක් යටතේ මෙම මැද පෙරදිග ශ්රමිකයන් ගෙන්වා ගැනීමට හා රෝගයට ගොදුරු වී සිටින ශ්රමිකයන් සඳහා පහසුකම් සලසා ඔවුන්ගේ ජීවිත වසංගත අවදානමෙන් මුදවා ගැනීමට කටයුතු කරන ලෙසත් රජයෙන් ඉල්ලා සිටින බව ද එහි සදහන්ව ඇත.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
මැදෙපරදිග අපේ අයට සහන සලසන්නැයි රජයෙන් ඉල්ලයි
rama Thursday, 28 May 2020 09:11 AM
කුවේට් විතරක් නොවේ හැම රටේම ඉන්නවා අනාථ වුණු අය... එ්ත් මැද පෙරදිගින් යවන්නේ ඩොලර් නොවේද කියලා රජයෙන් අහන්න...
de silva Thursday, 28 May 2020 11:25 AM
විදේශ සේවා රක්ෂණ අරමුදලේ රුපියල් බිලියන ගණනක් තිබෙනවා... ශ්රී ලන්කන් ගුවන් යානා යවල ඔවුන් ලංකාවට ගෙනත් නිරෝධන මධ්යස්ථානවල ඉඩ නොමැති නම්... වසාදමල තිබෙන සංචාරක හෝටල් වල ඔවුන් නිරෝධනය කරන්නත්.., ඔවුන් රෝගී වෙලා නම් රජයේ රෝහල් වල ඉඩ නොමැතිනම් ඔවුන් පුද්ගලික රෝහල්වල නවත්තල ප්රතිකාර කරන්නත් මුදල් වියදම් කරන්න එම අරමුදලින් පුළුවන්... නිලධාරීන් සහ ඇමතිලා මේක නොකරන්නේ මොකද? රජය බලන් ඉන්නේ වුර්තිය සමිති සහ අතරමන් වුන මිනිස්සුන්ගේ පවුල්වල මිනිස්සු පාරට බැහැල උද්ඝෝෂණ කරනකම්ද?