(ජයන්ත සමරකෝන්)

 

බන්ධනාගාර ගණනාවක රඳවා සිටි ප්‍රබල ගනයේ සංවිධානාත්මක පාතාල අපරාධකරුවන් මෙන්ම, මත්කුඩු ජාවාරම්කරුවන් 5 දෙනෙකු බුස්ස විශේෂිත බන්ධනාගාරයේ රඳවා තැබීම සඳහා එහි රැගෙන ගොස් ඇතැයි එම බන්ධනාගාර ආරංචි මාර්ග අනාවරණය කරයි.

දුම්බර බන්ධනාගාරයේ රඳවා සිටි දෙමටගොඩ චමින්ද කොළඹ රිමාන්ඩ් බන්ධනාගාරයේ රඳවා සිටි චුවා සමන්ත, පොඩි තිලන්,ආමි සම්පත්, හා ගගන මේ අතර වන බවද, එම ප්‍රකාශකයා කීය.

ඒ අනුව, බුස්ස විශේෂිත බන්ධනාගාරයේ රඳවා සිටින විශේෂ ගනයේ රැඳවියන් සංඛ්‍යාව 19 දක්වා ඉහළ ගොස් තිබේ.

මෙම පිරිස එස්ටීඑෆ් භට කණ්ඩායමක දැනට දැඩි ආරක්ෂක රැකවල් මධ්‍යයේ තනි සිර කුටි 19 ක රඳවා සිටින බවද වාර්තා වේ.