(කේ බුද්ධික කුමාරසිරි )

බස්නාහිර පළාත් සභාවේ හිටපු විපක්ෂ නායක සහ එක්සත් ජාතික පක්ෂයේ හෝමාගම මැතිවරණ කොට්ඨාසයේ හිටපු ප‍්‍රධාන සංවිධායක මංජු ශී‍්‍ර අරංගල මහතා (63) අද (18) දින කොළඹ පෞද්ගලික රෝහලකදී  අභාවප‍්‍රාප්ත විය.

පරණ පාර මීගොඩ ප‍්‍රදේශයේ ඉපිද මීගොඩ ගැහැණුගල කණිෂ්ඨ විද්‍යාලයෙන් මූලික අධ්‍යාපනය හදාර මහනුවර ධර්මරාජ විද්‍යාලයෙන් හා කෝට්ටේ ආනන්ද ශාස්ත‍්‍රාලයෙන් උසස් අධ්‍යාපනය හැදෑරූ ඒ මහතා දිවංගත හිටපු අමාත්‍ය ගාමිණි ජයසූරිය මහතා සමඟ එක්ව වර්ෂ 1977 සිට කි‍්‍රයාකාරී දේශපාලනයට පිවිස තිබේ.

පසුව හෝමාගම විවිධ සේවා සමූපකාරය හෝමාගම ප‍්‍රාදේශීය සභාව ආදී ආයතනවල සභාපති ධූරය දැරූ ඒ මහතා පසුව බස්නාහිර පළාත් සභාවේ විපක්ෂ නායකවරයා ලෙස කටයුතු කරන ලදී.