(මනෝප්‍රිය ගුණසේකර)
 
කුඩු නඩුවක විත්තිකරුවකු අධිකරණයට ඉදිරිපත් නොකිරීම සම්බන්ධයෙන් පෞද්ගලිකවම අධිකරණයේ පෙනී සිට කරුණු ඉදිරිපත් කරන ලෙස කොළඹ මහාධිකරණ විනිසුරු දමිත් තොටවත්ත මහතා බන්ධනාගාර කොමසාරිස් ජනරාල්වරයාට අද (22) නියම කළේය.
 
ඒ බව දැනුම් දෙමින් බන්ධනාගාර කොමසාරිස් ජනරාල්වරයාට නොතිසියක් නිකුත් කිරීමටද විනිසුරුවරයා වැඩිදුරටත් නියම කළේය.
 
කුඩු නඩුවක විත්තිකරුවකු ඊයේ (21) අධිකරණයට ඉදිරිපත් කරන ලෙස කොළඹ මහාධිකරණ විනිසුරු ගිහාන් කුලතුංග මහතා මීට පෙර අවස්ථාවකදී බන්ධනාගාර අධිකාරිවරයාට නියම කොට තිබුණත් එම නඩුව කැඳවනු ලැබු අවස්ථාවේදී අදාළ විත්තිකරු බන්ධනාගාර නිලධාරීන් විසින් අධිකරණයට ඉදිරිපත් කොට නොතිබිණි.
 
විත්තිකරු අධිකරණයට ඉදිරිපත් නොකිරීම සම්බන්ධයෙන් බන්ධනාගාර නිලධාරීන් අධිකරණයට වාර්තාවක් හෝ ඉදිරිපත් කොට නොතිබු අතර එහිදී ඉදිරිපත් වු කරුණු සැළකිල්ලට ගත් විනිසුරුවරයා විත්තිකරු අධිකරණයට ඉදිරිපත් කරන ලෙස කර තිබු අධිකරණ නියෝගය ක්‍රියාත්මක නොකිරීම සම්බන්ධයෙන් පෞද්ගලිකවම අධිකරණයේ පෙනී සිට කරුණු ඉදිරිපත් කරන ලෙස බන්ධනාගාර කොමසාරිස් ජනරාල්වරයාට නියම කළ විනිසුරුවරයා ඒ බව දැනුම් දෙමින් නොතිසියක්ද නිකුත් කළේය.