(කාංචන කුමාර ආරියදාස)

ගලේවෙල නබඩගහවත්ත ප්‍රදේශයේ නිවසක් තුළ කාමරයක ඉතා සූක්ෂම ලෙස විශාල කැණීමක් සිදු කළ පස් දෙනකු අත් අඩංගුවට ගත් බව ගලේවෙල පොලිසිය කියයි.

පොලිසියට ලැබුණු තොරතුරක් මත මෙම වැටලීම සිදු කළ අතර එහිදී අසල්වැසියන් හා නිවසේ රැදී සිටි අයකු ප්‍රකාශ කොට ඇත්තේ නිවස තුළ පිරිසක් රාමසාන් උපවාසයේ යෙදී සිටින බවය .

කෙසේ වෙතත් නිවස තුළින් කැනීකරන  ශබ්ද  ඇසීමත් සමග පොලීසිය එම නිවසේ කවුළුවකින් නිවස තුළ බලන කල්හි කණ්ඩායමක් කැණීම් සිදු කරන අයුරු දැක ඇත.

පසුව  ඒ පිළිබඳව සොයා බැලීමේදී අඩි 15ක පමණ දෝනාවක් හරහට හාරා ඇති අයුරුත් හාරමින් සිටි පුද්ගලයන් පස් දෙනෙකු පොලිසිය අත්අඩංගුවට ගත් බව කියයි.

බුදු පිළිමයක් සොයා මෙම කැනීම් සිදු කළ බව පොලිසිය සිදු කළ මූලික විමර්ශනවලින් අනාවරණය වී ඇත.