බදු එකතු කිරීමේදී  ආණ්ඩුව  ජනතාවට බරක් නොවිය යුතු බවත් බදු එකතු කිරීමේ ක්‍රමය සරල විය යුතු බවත් අගමැති මහින්ද රාජපක්ෂ මහතා අද (31) පැවසීය.

 බඹරු මලෙන් රොන් ගන්නා මෙන්  ජනතාවගෙන් බදු අයකරගත යුතුයිද හෙතෙම සඳහන් කළේය.

අගමැතිවරයා  මුදල් හා ආර්ථික කටයුතු ඇමැති ලෙස  අමාත්‍යංශයේදී  වැඩ බාර ගැනීමෙන් අනතුරුව මෙලෙස ප්‍රකාශ කළේය.

වර්තමානයේ ජීවන  වියදම පිළිබඳ සැළකිමත්  වී පොදු ජනතාවට සහන සලසා දීමට  කටයුතු  කරන බව පැවසු අග්‍රාමාත්‍යවරයා මිල සුත්‍රය පිළිබඳව  අදහස් දක්වමින්   සඳහන් කළේ   ඉදිරියේදී  මිල සුත්‍රය ද වෙනස් කළ යුතු බවයි.

එමෙන්ම  වර්තමානයේදී සියලු දේ  පිටරටින් ගෙන ඒමේ තත්වයක් ඇති වී ඇති බවත් ඒ නිසා  දේශිය  ගොවියාට සාධාරණයක් ඉටු නොවන බවත්, ඉදිරියේදී  දේශිය  නිෂ්පාදන වල මුල් තැන දී රට  ස්වයංපෝෂිත කර දේශිය ගොවීයාට අවස්ථාව ලාබාදීමට  කටයුතු කරන බවත්  සඳහන් කළේය. 

(36698)

ඡායාරූප - ගයාන් අමසේකර