පොලිස් අණ නොතැකීයැයි ත්‍රිරෝද රියට වෙඩි

(තිලකරත්න දිසානායක)

පොලිස් අණ නොතකා ධාවනය කළ බව කියන ත්‍රිරෝද රථයකට අද සවස ගම්පහදී වෙඩි තබූ බව පොලිසිය කියයි.

ගම්පහ - කොළඹ පාරේ ධාවනය වෙමින් තිබූ සැක සහිත ත්‍රිරෝද රථය නැවැත්වීමට අණ කිරීමේදී නොනවත්වා අතුරු මාර්ගයක් ඔස්සේ ධාවනය කළ බව පොලිසිය පවසයි.

වෙඩි වැදීමෙන් ත්‍රිරෝද රථයේ රියදුරුගේ අතකට වෙඩි වැදී ඇති අතර ඔහු ගම්පහ රෝහලට ඇතුළත් කර තිබේ.

රියදුරු බෙම්මුල්ල ප්‍රදේශයේ පදිංචි 31පුද්ගලයෙකු බව අනාවරණය වී ඇත.

පොලිස් නිලධාරීන් ත්‍රීරෝද රථය ලුහු බඳිමින් අවස්ථා කිහිපයකදීම නතර කිරීමට අණ කර ඇතත් නොනැවැත්වීම මත වෙඩි තැබීම සිදු කර ඇති බව පොලීසිය පවසයි.

අදහස් (2)

පොලිස් අණ නොතැකීයැයි ත්‍රිරෝද රියට වෙඩි

ලුම්බිණි Thursday, 20 June 2019 11:20 PM

පොලිස් අණ නොතකා ධාවනය කරන වාහන වලට වෙඩි තියන එක ඉතාම වැරදියි. එවැනි වාහන අල්ල ගැනීමට වෙනත් ක්‍රම යොදා ගත හැකියි. රියදුරා පොලිස් අණ නොදැක ගියා නම් එවැනි අයෙකුට වෙඩි තියන එකෙන් සමහර වෙලා වට ජීවිත හානි වෙන්නත් පුළුවන්.

: 14 7

MaheeFriday, 21 June 2019 07:47 AM

ඔබ සමග මුළුමනින්ම එකඟයි. අවස්ථා කීපයකදී වාර්තා වුණා පොලිසියේ සංඥාව නොදැක වාහන ධාවනය කරලා වෙඩි කාපු රියදුරන් ගැන... දැන් සමහර විට මේ ත්‍රිරෝද රථයේ තිබිලා කුඩු නැත්නම් ආයුධ එහෙමත් හමුවෙන්න ඉඩ තියෙනවා. අපි නොදන්න ලංකාව..!

: 0 1